KADAX’s POV
Okay na sa parents ko. Puwede na akong sumama kay Via next weekend. Sa work na lang namin kami magpapaalam. Sana payagan kami pero kung hindi, mag-re-resign kaming dalawa.
Tinawagan ko na si Via. Pupunta kami sa mall ngayon. Napilit ko siya na kailangan namin bumili ng mga dress niya. Puwede ko siya takutin kapag hindi siya sa akin susunod, wala siyang maipapakilalang boyfriend kay lolo.
Nangingiti pa ako habang inaayos ko ang buhok ko. Nagsuot ako ng leather jacket para maging mala action star ako. Punit-punit pa ang pants ko. Baka mamaya kapag magkasama kami ni Via, mas mapagkamalan pang lalaking-lalaki siya.
Kadax na ang itatawag niya sa akin. Para naman tunog matikas. Kaysa sa bansag niya sa akin na KD, parang candy. Okay lang kung kekendihin niya ako. “Ano na naman an
