ISANG tikhim ang nagpabalik sa gunita ni Katarine. Nakakalong na sa kaniya si Gracie at hindi niya namalayang nakatulog na pala ito sa pag-iyak.
Somehow, she’s relieved because at last, Gracie was able to pour out the pain she kept in her heart all these years. Sa murang edad nito, mahirap dalhin ang bigat noon na matagal nang kinimkim ng bata mula pa noong nabubuhay ang ina nito.
“Let me take her to her room,” mahinang sambit ni Nicholo habang papalapit sa kinauupuan nila.
Walang kibo niyang iniabot ang pamangkin sa lalaki saka sumunod sa mga ito paakyat ng kuwarto. Natanaw niyang may inaayos sa may garden si Tony na kumaway pa sa kaniya nang makita siya sa punong-hagdan nang lingunin niya ito. Kinawayan rin niya ito bilang pagtugon saka pumanhik kasunod ni Nicholo.
Pagkalapag ng lal
