Nang maihatid niya sa may eskwela si Chloe ay napagdesisyunan niyang maglakad-lakad muna sa may labas. Pero hindi pa man siya nakakalayo ay bigla niyang nakasalubong si Ryan.
"Uy!" tawag niya rito.
Nang makita siya nito ay kaagad naman itong napangiti. Pero nang magbaba ang tingin niya sa batang hawak-hawak nito ay bigla siyang natigilan. Bakit parang biglang bumilis ang t***k ng puso niya.
"Dad, who is she?" takang tanong ng batang babae sa kan'ya.
"Ashley, meet Tita Ana. She is my friend." Nakangiting sabi ni Ryan.
Pero hindi siya halos kumukurap sa pagkakatingin sa bata. Para siyang natuklaw ng ahas. Kamukhang-kamukha niya ang batang babae nang nagkasing-edad lamang sila.
Marahan naman siyang umupo para magpantay ang mukha nilang dalawa.
"Tita Ana, bakit po kamukha mo ang mom ko
