Halos mag-aalas diyes na ion ng gabi nang ganap na maubos ang mga tinda ni Romeo.
Hindi nga niya alam kung nagte-text o tumatawag na sa kan'ya si Yago dahil nakapatay ang cellphone niya.
"Oh, Ana? Mukhang nag-aalangan ka yatang sumama?" pansin ni Romeo sa kan'ya habang lulan sila ng sasakyan ni Ryan.
"Ha? Hindi no. Excited na nga akong magpakalasing!" At napahiyaw pa siya.
Napailing-iling na lamang ito sa kan'ya bago mabilis na nagkibit balikat.
"Oh dito na lang tayo." Turo ni Romeo sa isang videokehan.
"Sige!" matagal-tagal na rin kasi nang huli siyang makapunta rito.
Isa lamang itong parang maliit na kainan na may videokehan na hinuhulugan ng limang piso.
"Ate, pa-order nga kami ng mga beer," sabi ni Romeo sa babaeng nandoon.
"Are you sure na rito tayo?" seryosong tanong ni Ryan
