Panaka-naka siya sa may bintana ng kwarto niya at sa may orasan para tignan kung nakauwi na ba sina Yago pero wala pa rin ang mga ito. Halos alas singko na ng hapon pero hindi pa rin ang mga ito umuuwi.
Inis na napasimangot siya. Mukhang nag-enjoy na ito kasama ng Dianang iyon!
Sa sobrang inis niya ay minabuti niyang lumabas na muna para mamasyal. Day-off niya pa rin naman hanggang ngayon kaya uuwi na muna siya sa bahay niya at baka naglalakad na iyon.
Dahil malapit lang naman iyon ay halos kalahating oras lamang ay nakauwi na siya. Siguro ay dadalawin na lamang niya si Romeo mamaya sa dati nilang pwesto.
Nang makapasok sa bahay niya ay pabagsak siyang napaupo sa may maliit at lumang sofang naroroon at gusto niyang mapangiwi nang magsilabasan ang alikabok sa may foam.
Bahagya niyang
