NAUPO sa pinakadulong bahagi ng kama si Catalina habang nag-iisip ng gagawin. Pumasok na ng banyo si Brix.
Nagulat pa siya nang buksan nito kanina ang dalang bag, nakita niya kung anong laman ng mga iyon. Mga damit nito. May nagsasabi sa isip niya na parang may ideya na ito sa kaniyang planong gawin. Dahil handa ito. Nasapo niya ang sariling mukha habang gulung-gulo ang isip.
Wrong move, Cat.
Dapat pala dumeretso na lang siya ng layas at tuluyan na siyang umuwi sa kanila. Malamang sa malamang hindi na siya matutunton ni Brix. Masundan man, at least may magtatanggol sa kaniya laban sa lalaki. Andoon ang pamilya niya. Tiyak na hindi papayag ang Papa niya na makalapit man lang ito sa kaniya. Baka habulin pa ito ng sundang.
But sadly, huli na nang mapagtanto niya iyon. Masyado niyang in-
