"MATAGAL ka pa?" katok ni Brix sa pinto ng kuwarto niya.
"Saglit lang, maghintay ka," sagot ni Cat habang pinapaspasan ang final retouch niya sa sarili niya. Hindi na nga siya nagpatagal at dinampot na niya ang bag niya. Kanina pa nag-aapura itong kasama niya.
"Antagal mo. Kanina pa ako alis na alis-" Ngunit natigilan si Brix nang buksan na niya ang pinto. Nagtama ang mga mata nila at saglit itong napatitig sa kaniya.
"Oo na. Ito na nga. Sabi mo mag-ayos ako nang maganda, 'di ba? Tapos ngayon magrereklamo ka?" sarkastikong gagad niya.
Ngunit hindi agad sumagot si Brix. Nanatili lang itong pinagmamasdan siya.
"Tara na. Tunganga ka pa riyan." Inis na isinara na niya ang pinto ng silid at naglakad na papuntang hagdan. Ngunit bigla siyang natigilan nang hinabol ni Brix. Iniangkla nito
