TANGHALI na nang bumangon si Cat kinabukasan. Kung hindi pa siya nakaramdam ng gutom ay hindi pa niya maiisipang lumabas ng kaniyang kuwarto. Buti na lang at dumating agad ang araw ng Sabado at pansamantala siyang makakapag-relax kahit papaano.
Hindi na niya inalam pa ang pinagkakaabalahan ni Brix bagkus ay nagderetso na siya sa kusina. May naabutan siyang katulong doon na agad naman siyang inalok kung ano'ng breakfast ang gusto niya.
Paborito niya talaga ang tocilog kaya iyon ang pinahanda niya. At siyempre para magising ang diwa niya, nagpatimpla na rin siya ng kape.
Nasa kalagitnaan siya ng pagkain nang biglang may humawak sa balikat niya. Napalingon siya at sakto naman niyon ay nasalubong niya ang naka-pout na labi ni Brix. Sandali siyang hindi nakahuma nang tuluyan ngang naglapat a
