HADEN:
MAG-UUMAGA na nang makarating ako ng unit. Mamayang hapon pa naman ang kasal namin ni Sofi kaya makakabawi pa ako ng tulog. Wala naman na kaming ibang iintindihin sa kasal namin dahil bukod sa may kinuha kaming wedding coordinator ay nand'yan ang pamilya naming nakatutok doon.
Napangiti ako na mabungaran ang asawa kong payapang nahihimbing pa rin sa kama. Maingat akong nagtungo ng banyo para makapaglinis ng katawan bago matulog. Sumasakit na rin ang ulo ko dala ng pagod at puyat. Mabuti na lang at ligtas akong nakauwi sa asawa ko kahit panay ang pagtulo ng luha ko habang nasa kahabaan ng byahe. Mugtong-mugto na tuloy ang mga mata ko.
Naka-boxer brief lang akong sumampa ng kama at maingat pinaunan ang asawa ko sa braso ko. Pumihit naman ito paharap na mas nagsumiksik sa dibdib ko
