❣︎ SHAZYL ❣︎
"H'wag mo namang sindakin, Brenda," tumatawang sabi ng pulis na nasa kaliwang bangko nakaupo.
"Kailangan nang sanayin 'to, kahit todo bantay ang mga kasamahan natin sa loob, may mga nakakalusot pa rin na naghahari-harian at kung makaastang mga siga akala mo hindi takot kapag natutukan na ng baril."
Ba't pakiramdam ko sinasadya nilang iparinig sa 'kin? Hindi naman sa takot ako. Ilang mukha na ba ang nabasag ng kamao ko. Pero iba pa rin kapag dito na mismo sa bilangguan. Mga totoong kriminal ang makakasama ko. Hindi mo alam kung sino ang mapagkakatiwalaan at kung sino naman ang titirahin ka patalikod.
Napaatras ako nang hawaka ni Brenda. Tamad n'ya akong tiningnan, "Hindi ka makakatagal dito kung lalamya-lamya ka, iha."
"Parte sa procedure lang 'to, iha. Kailangan naming
