#ThirDee!
CHAPTER EIGHTEEN
"PINAPLANO ko nang mag-resign bukas na bukas din."
"Sandali. Sure ka na ba riyan?" tanong naman ni Camya sa kabilang linya.
Huminga siya nang malalim at sumandal sa upuan ng kotse.
"Hindi pero gagawin ko pa rin. Tama si Takeru. Hindi ko na dapat hintayin na dumating ang pagkakataon na malaman niya mula sa iba ang totoo at paalisin ako kapag nagalit siya. Kaya nga nilakasan ko ang loob ko na magsabi ng totoo kina Manang Lory at Sir AJ. Kanina lang, handa na sana akong ipagtapat ang lahat sa kanya. Ang kaso..." Hindi niya naituloy ang sasabihin dahil sa pagsigid ng kirot sa dibdib niya nang maalala na naman ang tagpo kanina.
"Ang kaso ano?"
Nagbuntong-hininga muna siya.
"Narinig ko sila ni Kuya Carson kanina na nag-uusap. He was asking him to find a replace
