عشق بطعم العلقم - علا فائق

13

" عشق بطعم العلقم " .

" بارت 13 " .

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" على الجانب التاني "

‹•‹•‹•‹•‹•‹•‹•‹•‹•‹•‹•‹•‹

اسيا كانت سايقة العربية و هي بـ تعيط و الحقيقة ان مش زهوة السبب ، زهوة كانت " القشة التي ق**ت ظهر البعير " ..

تليفون اسيا رن في جيبها فـ طلعته و لقت ان رائد هو اللي بـ يرن فـ بصت للـ تليفون بـ قلة حيلة و حزن اكتر و قررت انها متردش ..

رن موبايلها تاني فـ بصت للـ موبايل و قررت ترد و فتحت الخط ..

اسيا : الو ..

رائد : ازيك يا اسيا ..

اسيا : كويسة ..

رائد : مال صوتك ، انت معيطة ؟

اسيا : لا انا كويسة يا رائد ، في حاجة ؟

رائد : اه كنت عايز اشوفك ، انتِ فين ؟

اسيا : على طريق * * * * * *

رائد : طيب ايه رأيك نتقابل في كافية * * * * * ؟

اسيا : ماشي ، انا قريبه منه اصل ..

فجأة اسيا قطعت كلامها و فـ رملت بـ قوة لدرجة ان العجلات عملت صوت قوي على الاسفلت لما ظهرت قدامها عربية قطعت طريقها ..

وقع الموبايل من اسيا في ارضية العربية و اسيا حست بـ الخوف لما نزل اللي كان سايق العربية ..

نزلت اسيا من العربية و رزعت بابها و قالت : انتَ اتجننت في حد يعمل كدا !

الراجل : الباشا عايزك ..

اسيا : و دي طريقة تتعامل بيها معايا ، انتَ نسيت نفسك ..

الراجل : الباشا اللي أمر بـ كدا اتفضلي معايا ..

اسيا : مش متفضلة في حته ، اتفضل روح و قوله لما تفضى هـ تجيلك بـ نفسها ..

الراجل : الباشا امر اني اود*كي ليه بـ الذوق او بـ العافية ..

اسيا : ايه الكلام دا مستحيل طبعا غور من هنا و بلغه بـ اللي قولته ..

خلصت اسيا كلامها و قلبها هينفجر من الخوف و فتحت باب العربية فـ شدها الراجل من دراعها فـ صرخت اسيا بـ خوف و قالتله : سيبني ، سيب دراعي بقولك ، الحقوني .....

قيدها الراجل بـ قوة و حط منديل فيه م**ر على بوقها و مناخيرها و هي بـ تقاومه و في اقل من دقيقه جسمها اترخى بين ايديه و شالها من على الارض و حطها في عربيته و اتحرك بسرعة ..

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" في القسم "

‹•‹•‹•‹•‹•‹•‹•‹•‹•‹•‹•‹•‹

رائد كان سامع كل اللي بـ يحصل من ساعة ما فرملت فجأة لحد ما صوتت و صوتها انقطع نهائي ، كل دا و هو هـ يتجنن من العصبية و بقى عامل زي الثور الهايج في المكان ..

سيف : اهدى بس يا رائد و احكيلي في ايه ؟ !

رائد : اسيا ، اسيا ..

سيف :بردو اسيا ، مالها اسيا ..

رائد : مش عارف شكلها اتخ*فت ، انا سمعتها و هي بـ تصوت ، سمعتها و هي بـ تنادي على حد يلحقها ، انا هروحلها ..

سيف : استنى يا ابني انا جاي معاك ..

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" بعد مرور نصف ساعة "

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹

وصل رائد و سيف لـ عربية اسيا و لقوها زي ما هي واقفة في نص الطريق فـ فتح رائد الباب بتاع العربية و بص فيها و لقى فيها المفتاح و التليفون في ارضية العربية فـ خد التليفون و رزع الباب و هو بـ يزعق بـ انفعال شديد ، و هو بـ يبص حواليه و حاسس بـ ضياع و فجأه لمح سوبر ماركت قريب ..

مشى رائد ناحية السوبر ماركت وبص للـ كاميرا الموجوده قدام المحل و دخل للي شغال في السوبر ماركت ..

رائد و سيف كانوا لابسين لبس شغلهم فـ دخولهم عمل رهبة في المكان ، رائد قال بـ نبرة آمرة : عايز اراجع الكاميرات دي ..

الراجل : ليه يا باشا انا عملت حاجة ..

سيف : نفذ و انت ساكت ..

الراجل : حاضر حاضر ، اتفضلوا معايا ..

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" في فيلا خليل "

‹•‹•‹•‹•‹•‹•‹•‹•‹•‹•‹•‹•‹

خليل كانت قاعد في الصالون و قدامه على الكنبه اسيا اللي لسه نايمة بسبب الم**ر و هارون واقف جمب خليل و دمه بـ يفور من الغضب ..

خليل : فوقها يا حاتم ..

هارون بسرعة : هفوقها انا ..

خليل : خلص ..

قرب هارون من اسيا و قرب من انفها ريحة نفاذه تانية و بدأت اسيا تفوق واحدة واحدة ..

اول لما اسيا استعادت وعيها قامت مفزوعة من مكانها بـ خوف و بصت حواليها وواكتشفت انه فعلا خدها لـ خليل غصب عنها و خليل قاعد بـ يبصلها بـ ملامح وجه باردة و ابتسامة مستفزة ..

صرخت اسيا فيه و قالت : انت ازاي تعمل كدا ؟ ازاي تخليه يخ*فني ؟

خليل : بهزر معاكي يا اسيا متأفوريش ..

اسيا : مأفورش ! ، تبعتلي واحد يخ*فني و تقولي مأفورش ، انتَ مخوفتش عليا !

خليل : لا عادي ، هـ يحصلك ايه يعني اكتر من اللي حصلك ؟

اسيا : على رأيك ، عندك حق ولله ..

خلصت اسيا كلامها و قامت وقفت عشان تمشي فـ زعق خليل : اقعدي مكانك انا لسه متكلمتش معاكي !

اسيا قعدت مكانها و قالت : في ايه ؟

خليل : في اللي انا جبتك هنا عشانه !

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" في السوبر ماركت "

‹•‹•‹•‹•‹•‹•‹•‹•‹•‹•‹•‹•‹

رائد كان واقف الكاميرات بـ تركيز شديد و جمبه سيف لحد ما عربية اسيا ظهرت في الكاميرا و **رت عليها عربية تانية فجأه .

نزلت اسيا و اتكلمت مع الراجل اللي نزل من عربيته ميكملش دقيقة و بعد كدا الراجل دا خدرها !

بص سيف لـ رائد بـ قلق من تصرف رائد اللي اكيد هـ يكون جنوني ..

اما رائد فـ ساب المكان كله و خرج بسرعة و خطواته اشبه بـ الركض و خرج سيف وراه بـ نفس السرعة ..

سيف : رايح فين ؟

رائد : رايح لـ خليل الكلب ..

سيف : استنى بس يا رائد ما يمكن مش خليل ..

رائد : يعني يبقى الراجل بتاعه عندها امبارح و تتخ*ف النهارده و تقولي ما يمكن مش هو ..

سيف : طيب اهدى بس الاول ، عشان بس نعرف نتصرف صح ، انا هاجي معاك ..

رائد : المطلوب اعمل ايه يعني ؟

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" في فيلا خليل "

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹

اسيا : عايز ايه ؟

خليل : مفيش ، انتِ تعرفي اللي بـ يحصل في الشغل خلال اخر كام يوم ؟

اسيا : ايه اللي بـ يحصل ؟

خليل : مصطفى اتقتل متعرفيش ..

اسيا : بجد ..

خليل : اها ، حاسك متفاجئتيش ..

بصت اسيا لـ هارون بـ توتر و قالت : ما هو هارون قالي ..

خليل : غريبة مسألتيش هو اتقتل ازاي ؟

اسيا : مش بحب اسمع التفاصيل دي ..

خليل : بس انا حابب احكيلك ، بصي يا اسيا انا بقالي فترة في صراع مع نقيب في الشرطة اسمه رائد صح يا هارون ، اه اسمه رائد المهم رائد دا يا اسيا مش سايبني في حالي ، حاططني في دماغه و مصر انه يوقعني و مصر اني اقتله ..

بعتله مصطفى يقتله في الاول بس الغشيم قتل مراته الحامل و دا زود النار و الحرب اللي بينا و لو فضل كدا كلنا هنقع و انتِ معانا اكيد انتِ عارفة دا ..

اسيا : عارفة ..

خليل : المهم اني كنت بعتلك من كام يوم مع هارون انك تيجيلي ، يومها بقى خ*فت الظابط و جبته الفيلا و خليت هارون و مصطفى ياخده بالهم منه ، و رغم كدا الظابط فك نفسه و هرب و قتل مصطفى و كان هـ يقتل هارون رغم انه كان واخد علقة موت ، يومها انتِ مجتيش صح ؟

بلعت اسيا ريقها بـ توتر و قلبها بـ ينبض من شدة الخوف و قالت : ايوه فعلا مجتش ، خرجت مع زهرة ..

خليل : كويس بردو اصل انا اخاف من وجودكوا في مكان واحد ممكن يعورك و لا حاجة ، المهم اني بردو بعتله رجالة بعدها بـ يومين و بقدرة قادر الظابط يختفي في نفس التوقيت اللي الرجالة وصلوا فيه رغم انه كل يوم بـ يروح من الشغل و يفضل في بيته لـ تاني يوم و يروح الشغل و بردو يومها مقدرتش اقتله ..

اسيا : ممكن اعرف انا بسمع الكلام دا ليه الوقتي ؟

خليل : بـ تسمعيه عشان انا عايزك تسمعيه ..

وصلت رسالة لـ خليل على موبايله و فيها جملة خلته يبتسم بـ انتصار ...

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

" على الجانب التاني "

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹

وصل سيف و رائد للـ قسم و معاهم ملف الكاميرات بناءا على رغبة سيف انهم يحرووا محضر خ*ف لـ اسيا و يخدوا الفيديو كـ دليل عشان يقدروا يداهموا خليل بـ شكل رسمي ..

ركن رائد العربية و نزل سيف و راح رائد وقف جمبه ..

سيف : يلا بس يا رائد ندخل ولله هـ نلحقها ، متخافش يا صاحبي ..

رائد : معرفش حاسس في حاجة طابقة على نفسي يا سيف ، حاسس بـ حاجة وحشه هـ تحصل ..

سيف : متخافش يا صاحبي ..

على بُعد كام متر منهم كان موجود واحد ملثم في عربية و ماسك مسدس و هو مغمض عين و مفتح عين و بـ يحدد الهدف ..

سيف : يلا ندخل يا رائد ..

ضغط الملثم على الزناد و صابت الرصاصة الهدف المتحدد و السواق جرى بالعربية و طلع الملثم موبايله و كتب رسالة محتواها " تمت العملية بنجاح "

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

يتبع ..

رايكم .. ؟

توقعاتكم .. ؟

خليل شك في اسيا .. ؟

رائد سمع الحديث اللي دار بين اسيا و الراجل اللي خ*فها و خ*فها غطى عليها و لا مسمعش حاجة .. ؟

رائد هـ يموت .. ؟

هل كل اللي حصل كان خطة من خليل .. ؟

سيف هـ يكشف اسيا و لا مش هـ يقدر .. ؟

اسيا هـ تعمل ايه لما تعرف اللي حصل .. ؟

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•

( اقتباس من الفصل القادم )

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹

" على الجانب التاني "

‹•‹•‹•‹•‹•‹•‹•‹•‹•‹•‹•‹•‹

هارون كان قاعد مستني اسيا في عربيته و لقى زهرة بـ ترن عليه ..

هارون : ايوه يا زهرة ..

زهرة : ايه يا هارون اسيا فين ، خرجت من الصبح و معرفش عنها حاجه ..

هارون : حصلت كام مشكلة كدا من الصبح يا زهرة بس اتطمني هي معايا ..

زهرة : ايه اللي حصل بس ..

دخلت اسيا في الوقت العربية بـ احباط و انهارت في العياط بـ صوت عالي قدام هارون لـ اول مرة في حياتها ..

زهرة فضلت مع هارون على الخط و سمعاه و هارون ساب الفون و قالها : اهدي يا اسيا ، اهدي ايه اللي حصل ..

اسيا : معرفونيش حاجة ، مقالوليش هو فين ..

هارون : طيب بس اهدي متعرفيش رقم ايه حد يعرفه او يقربله يمكن نقدر نوصله ..

اسيا : لا معرفش حد ..

زهرة وقتها قفلت الخط و رجعت رنت عشان تنبه هارون للـ رنة و يرد عليها فـ رد و قال : نعم ..

زهرة : اسيا مالها ، انا سمعت صوت عياطها ، ايه اللي حصل ..

زهوة وقتها دخلت الاوضة و سمعتها و هي بـ تتكلم فـ سألتها " في ايه " فـ فتحت زهرة الاسبيكر عشان يسمعوا سوا و قال هارون : خليل بعت واحد يجبيله اسيا بـ القوة و طلع اتنين من ورايا ورا الظابط و ض*بوا عليه نار و على حسب الاخبار اللي وصلتنا انه خلاص ..

خبطت زهوة على ص*رها بـ صدمة و بصت لـ زهرة بـ عيون مدمعة و بـ تفتكر كلام اسيا عن الظابط و اللي فهمته من كلامها انه قلبها بيحبه ..

زهرة : طيب ما ترنوا على موبايله يمكن حد يرد و يعرفكوا هو فين ؟

هارون : موبايل اسيا مش معاها و انا مش معايا رقمه ..

فكرت زهرة للـ حظات و قالت فجأه : سيف ..

هارون : ماله سيف دا ..

زهرة : سيف دا صاحب رائد الانتيم اكيد عارف هو فين و هـ يدلكوا ..

هارون : ماشي انا معاكي ، هـ نجيب رقمه منين ..

زهرة : انا معايا رقمه ..

هارون : طيب رني عليه كدا و شوفي ..

زهرة : طيب على ما ارن عليه اكون لبست و عدوا عليا خدوني معاكوا ..

هارون : تمام ، يلا مسافة الطريق و اكون عندك ..

زهرة : طيب ماشي ..

‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹