Donna's Pov:
"Sir! Nandito na ako!" Hinihingal pa ako nang buksan ko ang pinto ng training room na para sa akin. Wala nga lang akong naabutan doon kahit anino ng mentor ko.
"Sinabi ko na sa'yo hindi ba? Na masyado pang maaga pero makulit ka. Nag-aalmusal pa nga lang yata ang lahat pero nandito ka na para mag-training. Napakatigas ng ulo." Nakahalukipkip pa si Dice nang sulyapan ko.
"Akala ko kasi maaga din si Sir Myel ngayon lalo na ito ang unang araw ng training ko mula nang makabalik ako dito."
Naiiling na pumasok na lang ang lalaki.
"Alam ko na!" Agad akong humabol sa kanya. "Mag-training tayo!"
"Ayoko."
"Dice!"
"Ayoko!"
"Kahit thirty minutes lang habang hinihintay natin si Sir Myel. Parating na din 'yon," subok ko pa.
"Bakit hindi ka na lang mag-almusal muna? Kailangan mo i
