Leigh's Pov:
Apat na araw na. Apat na araw na mula nang pumasok kami dito sa gubat pero wala pa ding nangyayari. Wala pa kaming nakikitang ibang team mula sa ibang Warden. Gusto ko na ngang isipin na baka ang team lang namin ang nandito.
Ang buong kagubatan ang nagsilbing arena para sa ginaganap na team battle sa tournament. Isang team mula sa apat na Warden ang pumasok sa gubat.
Nanggaling kami sa hilagang bahagi ng gubat. Hindi ko alam kung saang mga bahagi nanggaling ang mga makakalaban namin. Wala din akong ideya kung sino-sino mula sa mga Warden ang bumubuo ng team nila.
Napatingin ako sa bumubuo ng Team namin.
Ang parehong Senior na sina Juduel at Ariel ay nag-uusap. Gumagawa sila ng plano para sa amin. Ang Junior naman na si Liza ay nasa may kataasang sanga at nagmamatyag. Nak
