Kuryusong sinundan ng mga mata ko ang bulto ng katawan ni Leon na papalabas ng restaurant. Gusto kong malaman kung sino ang tumatawag sa kanya. It might be Iracebeth if it was about his work, maaaring ibang tao na hindi ko kilala. Mamaya ko na lang siya tanungin o kung hindi naman ay hayaan ko na lang. Baka isipin niya na porket may nangyari sa amin ay nanghihimasok na ako sa buhay niya. Ayokong ganun ang isipin ni Leon oras na magtanong ako sa kanya mamaya.
“Paano mo siya nakilala, Charlie?”
Muntik ko ng makalimutan na kasama ko nga pala si Tatay dahil halos mabali ang leeg ko kakalinga kung saan pumunta si Leon para kausapin kuno ang tumatawag sa kanya. Kung hindi lang ito muling nagsalita, baka nakalimutan ko na talaga na hindi ako nag-iisa. Bakit kasi kailangan niya pang lumabas? Pwe
