Mag-iisang oras na rin simula nang maparusahan sina Adam at Marcus.Si lolo Moss naman ay mahimbing na natutulog sa patag at pahabang bato dito sa silong. Mukhang binalak na nito kagabi pa na parusahan ang dalawa kaya nakapag dala pa ito ng lumang sahig para kanyang higaan.
"Ate. Sabihin mo kay lolo Moss, hindi na ako sasama kay kuya Marcus sa susunod!" sigaw ni Adam na ikinalingon ko naman sa pwesto nila.
Pinuntahan ko naman ang dalawa na tagaktak na ang pawis sa mukha at pwede ng palipitin ang damit sa sobrang basa nito ng kanilang pawis.
"Takas pa kayo ha?" pang-aasar ko sa dalawa na mukhang hihimatayin na ano mang oras sa ngayon.
"Ate please. Si kuya Marcus lang talaga humila sa akin papunta doon," pagmamakaawa nito.
"Mukhang gising na ang mga diwa ninyo a? Nakapag-pahinga na
