"Pasulyap-sulyap ka kunwari, patingin-tingin sa kanya 'di maintindihan ang ibig mong sabihin! Kung mayr'on kang pag-ibig ay ipagtapat mo na kay Carmela, agad ka naman niyang... sasagutin!"
Iyon ang kantang narinig ni Jiro mula sa kung sino mang mga nilalang na biglang pumalibot sa kanya. Iniba lang ng mga ito ng kaunti ang lyrics ng naturang awitin ni Tootsie Guevarra. Saglit lang ay naramdaman niya ang pag-akbay sa kanya ng isa mula sa kanyang kanang bahagi.
"Bakit kasi hindi mo na lang aminin sa kanya?"
"Na gusto mo siya?" dugtong ng isa mula sa kaliwa.
"Para hindi ka na nagmumukhang tanga na pasulyap-sulyap at patanaw-tanaw sa kanya mula sa malayo?" Ang sabi naman ng isa mula sa kanyang likuran.
"Eh, ang tanong. Alam ba n'ya na nangliligaw ka sa kanya? O ipinaalam mo ba?" ani naman
