Masayang nagtatawanan si Carmela at Luigi habang naglalakad dahil sa mga nakatatawang kuwento ng huli. Nasa kalagitnaan siya nang pagtawa nang walang anu-ano'y nagtama ang kanilang mga mata ni Jiro. Natigilan siya at pakiramdam niya'y binuhusan siya ng malamig na tubig ng mga sandaling iyon.
Mula sa may administration building sa tapat ng accounting department ay nakita niya si Jiro na nakatayo roon at tila may hinihintay. Nakanguso itong nakasimangot habang ang dalawang kamay ay nakasuksok sa tig-isang bulsa ng itim na pantalong pamasok.
Buhat sa pagkakatingin sa kanya ng binata ay nalipat iyon sa kasama niyang si Luigi Arkanghel. Pero saglit lang ang tingin nitong iyon sa ka-buddy niya dahil agad ding bumalik ang mga mata nito sa kanya subalit ngayon ay may bahagyang talim na. Nagtatag
