Nalipat ang tingin ni Carmela sa mukha ng binata nang marinig niya ang naaaliw nitong pagtawa. At imbes na magalit dito ay napatitig na lang siya sa mukha nito.
Hindi maipagkakailang guwapo talaga si Jiro. Mas higit pang nadagdagan ang pagiging magandang lalaki nito ngayong naka-clean cut ito.
Ang kulay ng buhok nito ay itim na itim na siyang bumagay sa balat ng binata dahil si Jiro ay mestizo. May nunal din ito sa ibaba ng kaliwa nitong sentido. Hindi naman nakasisira sa taglay na kaguwapuhan nito ang mismong nunal dahil hindi naman iyon buhay at malaki.
May katangusan din ang ilong nito na parang ang sarap haplusin ng nose bridge. Ang labi’y pinkish at maganda ang hulma. At ang mga mata nito na kanyang madalas mapansin na animo'y may sinasabi sa kanya ay kulay tsokolate. Mistulang nan
