"Mabuti naman at dumating ka na!"
Malayo pa lang ay dinig na niyang sabi ni Becca. Siya yata ng tinutukoy nito dahil nakita niyang dinudungaw siya nito mula sa nakabukas na bintanang kahoy na jalousie.
"Bakit? Ano'ng meron?" Kanyang tanong matapos ang tatlong marahan na katok sa pinto bago tuluyang pumasok sa loob ng opisina. "Miss mo 'ko?" Panunukso niya.
Natawa siya nang makitang kumibot ang bibig nito saka umirap.
"Haler! Halos palagi na nga tayong nagkikita at nagkakasama mami-miss pa ba kita?!" Pasungit nitong sabi habang nagpipigil namang ngumiti.
Inangatan ni Carmela ng kilay si Rebecca bago pataray din na nagwika.
"Eh bakit pala mukhang hinihintay mo ako ha!" Pabirong padarag na ibinagsak niya ang shoulder bag sa mababang locker sa kanilang harapan. Nananatiling nagtataray. "
