"Dad?"
Napapitlag ito nang marinig siya. Bakas ang gulat sa mukha nang mapatunghay sa kanya at kapagkuwan ay napatikhim.
"O siya, siya." Biglang sabi ng kanyang ina na umagaw sa kanyang atensyon. "Sige na." Pagpapaubaya nito. "Sa ngayon ay kailangan na muna naming paniwalaan ka ng papa mo."
Ngumisi ito at may kung ano sa ngisi nitong iyon saka napahagikgik. Bagay na siya namang ikinanguso na lang niya. Batid niyang tinutudyo lamang siya nito at pinaaamin. Marahil ay may nais lang din talaga itong hulihin mula sa kanyang bibig.
"Kumusta naman ang naging byahe mo anak?" Narinig niyang tanong ng ama matapos nilang makasakay sa kotse at habang inihahanda nito ang sasakyan paalis ng terminal.
Napalabi siya.
"Ayos naman po. Medyo nakapapagod lang lalo na't siksikan at unahang makasakay sa
