Umangat ang kaliwang kamay ni Jiro at lumapat iyon sa kanang pisngi niya at masuyong humaplos doon. Ang kulay tsokolate nitong mga mata ay punong-puno ng katapatan nang magtagpo ang kanilang paningin.
Nagsimulang pumungay ang mga mata nito habang sa labi ay gumuhit ang isang maliit ngunit masayang ngiti na may lakip na kakontentohan.
"Alam mo bang limang taon na akong in love sa 'yo. Nakalubog na nga yata ako sa pinakailalim kaya hindi ako nagsasawang mahalin ka ng palihim noon at lantaran ngayon. I love you, Carmela. Ako'y sa 'yo lang, sa 'yong sa ‘yo lang. Lagi mo 'yang pakatatandaan kahit ano man ang mangyari.”
Sumilay ang ngiti sa kanyang mga labi. Dinarama ang mga salitang nanulas sa bibig nito.
"I love you too," halos pabulong niyang tugon pabalik.
Nakagat niya ang labi nang ma
