Tila tumigil sa pag-inog ang mundo ni Carmela. Namimilog ang mga matang animo’y nabato-balani siya kasabay nang malalim na pagsinghap. At sa pagitan ng kanyang gulat at takot ay mabilis pa sa alas cuatro-ng nilingon niya ito.
"Rafael!" Habol-hiningang banggit niya sa pangalan ng binata habang nakabalatay pa rin sa mukha ang matinding gulat.
Labis ang kabang naramdaman niya sa isiping si Jiro ang lalaki!
Nasobrahan na yata siya sa pagka-paranoid kaya ganoon na lang din siya kung maka-react. Hindi rin niya lubos mapaniwalaan ang sarili na ganoon pala talaga siya kaduwag na makaharap ito.
Pero ipagpapasalamat pa rin niyang hindi si Jiro ang lalaki kaya kahit paano ay napanatag siya. Kahit pa sabihing hindi pa rin humuhupa ang malakas na pagkabog ng puso niya mula sa pinagsamang kaba at n
