"Ma'am!"
Napakislot si Carmela mula sa mistulang paglalakad sa kawalan at animo'y nahimasmasan din mula sa malalim na pag-iisip. Mabilis na hinanap niya kung sino iyon at napatigil nang tuluyang makita ito.
Mula sa harapan ng University Medical and Dental Clinic ay snappy na nakatayo at nakasaludo ang isang lalaking COQC sa kanya.
Umayos siya sa pagkakatindig at dali-dali rin itong sinaluduhan. Sinasagot ang pagbibigay galang sa kanya. Mabilis din naman niyang ibinaba ang kanang kamay pagkatapos at muling nagpatuloy sa paglalakad.
Bandang alas cinco na ng hapon. Katatapos lang din ng kanilang huling asignatura sa gusali ng College of Nursing kung saan sila nakikihiram ng silid.
Gaya pa rin ng dati, mag-isa ulit siyang naglalakad dahil wala naman siyang makasabay na kaklase palabas. P
