Naagaw ng isang pekeng pag-ubo ang kanilang atensyon at sabay silang napalingon sa pinanggalingan niyon.
Malapit sa pinto ng gymnasium ay nakita nilang nakatayo roon si Rina. At sa labi nito ay hindi maipagkakaila ang nakaguhit na malisyosang ngiti na umabot hanggang sa mga mata.
"Bok," natigil si Carmela sa pagbutones ng ngayo'y suot ng puting polo ni Jiro matapos niyang gawin ang pinagagawa nito roon. Mabilis na ibinaba niya ang mga kamay at napalunok ng laway. Batid niya ang pamumutla at halos hindi na siya makatingin sa ka-buddy.
Narinig niyang tumikhim si Rina at napalingon siya uli rito. Napuna rin niya na tila pinipigilan nito ang papabadyang paglapad ng ngiti dulot ng nasilayan ng mga mata kanina.
"Hinahanap ka ni S1 kaya ako nandito. Walang C.O.Q.C sa barracks kaya ako na ang
