"Ano na Carm, nangliligaw ba sa 'yo si Jiro? O baka naman boyfriend mo na siya? Ano ba talaga kayo? M.U lang? Ano na talaga? Naloloka na ako sa inyo! Bilis!"
Nabitin sa ere ang akma na sanang pagsubo ni Carmela sa kutsarang may lamang kanin at ulam sa ibabaw at nalolokang tinunghayan si Rina.
Nasa canteen sa tabi ng Automotive Technology building sila ng mga sandaling iyon at kasalukuyang kumakain ng lunch. Mag-a-alas dose pa lang nang tanghali pero inaya na siya nitong mananghalian. Pumayag na siya dahil katulad nito ay nagugutom na rin siya.
Matapos siyang kausapin ng kanilang S1 ukol sa bagay-bagay na may kinalaman sa kanilang posisyon—siya bilang assistant nito, ay agad siyang hinila patungo doon ni Alajar. Mukhang atat na atat ito sa kung ano man ang nais malaman mula sa kanya kung
