Hindi mapigilan ni Carmela na muling mapangiwi nang sunod na pumaimbabaw sa ere ang banyagang awitin na Get Down (You're the One for Me) mula sa isa sa pinakasikat at pinag-uusapang boyband ng kanilang henerasyon,—ang Backstreet Boys.
Dumadagundong din sa kanyang mga tainga ang malakas na tunog na nililikha ng dalawang malaking sound system na kanina pa nagpapairita sa kanya. Kasalukuyan kasing ginaganap ng mga sandaling iyon ang acquaintance party ng CABA department sa kanilang university gymnasium.
Halos takpan na ni Carmela ang kanyang mga tainga at lalo pang napangiwi nang sumabay sa ingay na nililikha ng speakers ang malakas ding hiyawan ng mga estudyante sa loob.
Nagpipigil ng inis na napahugot nang malalim na buntong-hininga ang dalaga. Napatingala siya at bahagyang ipinikit ang
