“Ang sakit ng ulo ko.” reklamo ni Carmela habang nakaupo sa isa sa mga upuan sa kusina. Pikit pa rin ang mga mata dahil sa kakulangan sa tulog.
Mga 4:30 A.M na yata sila nakatulog ni Rina. Tatlo o apat na oras lang din yata ang naitulog niya. At gaya nga ng sapantaha nila kaninang pauwi sila ng barracks ay umulan nga. Umaambon pa rin ngayon at sumisimoy ng bahagya ang malamig na hangin.
Gusto pa niyang matulog pero parang ayaw na ng katawan niya. Bukod doo'y may tungkulin silang kailangang gampanan sa araw na iyon dahil Saturday S.O.P. Hindi puwedeng walang kikilos na kahit isa. Mamaya ay darating na rin ang mga babaeng COQC upang mag-duty at kailangan sila ng mga first class para sa pag-assist sa mga ito.
Napaungol siya nang maramdaman muli ang sakit ng ulo. Ang bigat din niyon at dama
