"Monterde," tiim-bagang na tawag ni Francis sa kaibigan at kaklase pagkapasok na pagkapasok pa lamang nilang lima sa kanilang room sa ilalim ng manggahan sa harap ng university gym.
Naabutan nila ito na tahimik na nagre-review ng notes nito. Hindi siya pinansin nito ni pinag-angatan man lang nang tingin. Gigil na lumapit si Francis sa binata at pilit pinipigilan ang pagsabog nang dibdib sa galit.
“France, kalma!” Tinig ni Stan na maririnig. Bakas ang tensyon.
“Sshhh…” awat naman ni Kenneth kay Stan.
Hinarap ni Stan ang tatlo at akmang magsasalita nang pinanlakihan siya ng mga ito ng mata.
"Alam mo bang ikaw ang dahilan kung bakit umiiyak si Carmela ngayon?" umigting ang panga niya, nangangalit ang mga ngipin.
Oo, narinig nila ang mga pag-amin ni Carmela sa best friend nito nang sunda
