Natigil si Manuel sa paghakbang nang makita si Jiro na nakaupo sa labas ng DMST office. Mabilis itong tumayo nang mapansin siya at sinalubong din agad siya ng tanong.
"Nasa barracks pa ba si Carmela?"
Nagsalubong ang kilay ni Manuel at nagsimula muling maglakad. Naramdaman niya ang pagsulak ng kanyang dugo ng makita ito roon. Bigla rin ay nagtagis ang kanyang bagang.
Alam niyang ang lalaking ito ang dahilan kung bakit halos ubusin na ni Carmela ang military wine noong final wacking ng mga third class. Na ang lalaking ito rin ang gustong paulanan ng kamao sa mukha ni Luigi dahil sa biglaang pang-iiwan ni Jiro sa dalaga may ilang linggo na rin ang nakalipas upang ipagpalit lang sa iba. Na sa tingin ni Luigi ay niloloko lang ni Jiro si Carmela kahit alam naman nilang lahat na walang relas
