Napatango na lang sa kawalan si Garcia bilang pagtugon sa sinabi ni De Vera. Matagal din munang nakatulala lang siya roon mula nang iwanan siya ni Manuel bago siya nagpasyang kumilos na upang magtungo sa DMST office.
Tinatamad na maglalakad na sana siya patungong DMST nang tawagin naman siya ng dalawa niyang ka-buddy na lalaki na siyang mga kapapasok pa lamang ng gate sa pagitan ng kanilang barracks at tatlong klasrum.
"Oy bok!" si Cadet Captain Romano Bien ang tumawag sa kanya. "Ano, tara shot na!"
"Military wine, bok!" nakangisi, nang-aasar na ani Hernaez. Sa sinabi nito ay napasimangot si Carmela.
Walangyang Alajar iyan, squealer!
"Ayoko nga! Kayo na lang kung gusto ninyo! Mga sira!" sabay ingos niya at nagtuloy nang maglakad. Baka naiinip na ang taong naghihintay sa kanya sa opisi
