"Ano, nakausap mo ba sila?" Nasasabik na tanong ni Mira sa kapatid. Alanganing umiling ito. Laylay ang balikat, malungkot siyang napatingin sa bahay na pinagbentahan daw ng kaniyang anak.
Na-rape siya ng isang adik nang mapadpad sa Maynila. Galing silang Capiz at nangarap na magkaroon ng magandang buhay. Kaso lang, malas nga siguro siya dahil bukod sa wala na silang bahay at pagkain, nabuntis pa siya ng halang ang kaluluwa.
Ninais na nga niyang ipalaglag ang sanggol, subalit nanaig ang kaniyang pagiging ina. Iniluwal niya ito at anong tuwa ang sumapuso sa kaniya.
Kasabay ng pag-aasawa ng kapatid, pumisan na silang mag-ina rito. Subalit, hindi naging madali ang lahat ng ibenta nga nang kinakasama nito ang kaniyang anak na nalulong din sa bisyo.
Halos mabaliw siya ng hindi sabihin ng lal
