TIE OF LOVE

Miss Cry'ng Lady Under the Sun & Mr. Long Legged

CHAPTER SIX:

___

Nagising ako ng maramdaman ko ang paglapag ng sinasakyan naming private plane sa Airport ng Maynila.

Mula sa Cagayan de Oro City hindi ko na namalayang nakatulog pala ako sa buong biyahe.

Haysst!

Ikaw ba naman ang sumakay ng private plane na hindi mo na kailangan pumila at makipagsiksikan sa ibang pasahero. Plus may service deluxe pa, grabe talaga kapag yayamanin.

"Hey! Are you okay, nahirapan ka ba sa biyahe natin?" Tanong sa akin ni Sir Rigo marahil napansin nito na tahimik ako.

Ang hindi nito alam ang sarap nga ng tulog ko at excited na ako sa muli kong pagtuntong ng Maynila at s'yempre sa pagkikita namin ng Papa.

Ang natatandaan ko dinala ako dito noon ng Papa nasa Elementary pa lamang ako. Kung hindi ako nagkakamali magsisiyam na taon yata ako at tatlong taon naman ang nakalipas mula ng mamatay ang Mama.

Ipinasyal pa nga ako ng Papa sa isang malaking mall at sa Manila zoo.

Hindi pa nagtatrabaho noon sa S&DC Group ang Papa pero pagbalik namin ng Cagayan de Oro nagsimula na siyang magtrabaho sa Resort ng mga Del Castro.

"Ha, nakuh! Hindi Sir, napasarap nga yata ang tulog ko hindi ko tuloy napansin na nandito na pala tayo." Ngumiti ako na ginantihan rin naman nito ng ngiti.

"Okay kung ganu'n tayo na!" Iginiya na niya ako at pasimpleng ginagap nito ang kamay ko sabay hila sa akin patungo sa tapat ng isang magarang sasakyan.

Nakakagulat man pero s'yempre sino naman ako para mag-inarte, bonus package ko na kaya ito. May trabaho na mukhang may future boyfriend pa?

Kumbaga sa natanggap kong parcel may pa-freebies pa si kuya! And take note, ipinagbukas pa niya ako ng pinto.

Eiiih, s'yempre naman kilig ako bigla ko tuloy naalala si Marco. Dahil kahit na minsan hindi ako naipagbukas nito ng kahit ano pang klaseng pinto.

Napatunayan ko rin na magkaiba talaga sila ng ugali ni Sir Rigo.

Ngunit bago pa man ako makapasok ng sasakyan, isang lalaki ang bumati kay Rigo...

"Hey, bro! I said that you are." Sabay pa kaming napalingon sa lumapit na lalaki.

Geez, napaka gwapo nito at mukhang ang bango pa.

But wait he looks familiar, saan ko nga ba ito nakita?

Tama!

Natatandaan ko na sa Airport din sa CDO at hindi ako maaaring magkamali siya nga 'yun! The same figure of the man that I seen before, same smile, same backpack and of course the same long legged man.

Paano ko ba iyon malilimutan parang kahapon lang kami nagkita at ngayon..

Hindi ako sigurado kung natatandaan ba niya ako. Hindi nga ako nailang ng pasimple ko siyang pasadahan ng tingin, mabilis lang naman.

Pero sigurado ako na ganun rin ang ginawa niya sa akin kaya patas lang kami.

"Ikaw pala, Ivo! Mukhang ang layo na naman ng narating mo ah?" Tugon ni Sir Rigo sa lalaki.

Napansin ko rin na parang nag-iba ang mood nito o pero baka guni-guni ko lang, imposible kasing hindi sila magkasundo.

"Ah, hindi naman actually sa malapit lang, ikaw saan ka ba galing, I mean saan kayo galing?" Pagtatama pa nito sa sinabi at muli itong tumingin sa akin.

"Galing kami ng CDO bro!" Matipid na sagot ni Rigo.

"Mukhang nag-enjoy ka d'un ah? Ang balita ko hindi naman natuloy ang kasal ni Marco pero ngayon ka lang bumalik ng Manila." Nagsasalita ito pero sa akin nakatingin

"May inasikaso lang akong importante sa Resort na hindi ko na dapat pang ipagpaliban."

Kahit itong si Rigo bakit sa akin rin nakatingin at may pahawak-hawak pa sa kamay ko.

Aba-ba mukhang napapadalas na ito!

Gusto ko sanang maniwala na may pagtingin ito sa akin. Pero bakit parang may pag-aalinlangan sa aking puso.

Pagbaling ko ulit ng tingin si Mr. long legged matiim akong pinagmamasdan.

Haysst!

Bakit ba nila ginugulo ang utak ko damay tuloy pati ang puso ko.

"Hey and who's this woman beside you bro, mukhang wala ka yatang balak ipakilala sa akin ah? I think, now you just choose the right girl. Bihira na ngayon ang babaing matiyagang maghihintay sa ilalim ng sikat ng araw."

"Hey, what did you say?" Kunot noong tanong ni Rigo.

Kung hindi naintindihan ni Rigo ang sinabi ng lalaking ito. Ngunit ako na-get ko na agad ang mga sinabi niya. Ang ibig bang sabihin natatandaan pa niya ako?

"Ik.."

Agad akong napahinto at hindi ko na naituloy pa ang sasabihin ko ng unahan akong magsalita ng lalaki.

"Nevermind bro, may naalala lang ako huwag mo na lang pansinin ang sinabi ko. Baka naman gusto mo namang ipakilala sa akin ang magandang binibini?"

Hindi ko alam kung nagbibiro ito pero sigurado akong ako ang tinutukoy niya.

"Sure! Anyway, this is Ms. Soriano, honey siya naman si Mr. Sebastian." Maikling pagpapakilala nito sa amin.

Honey, kailan pa naging pulot ang pangalan ko?

"Ms. Soriano? Anyway I'm Ivo and you are Ms..?" Sabay lahad nito ng kamay.

"Aleyha po." Inabot ko na rin ang kamay ko dito sabay bulong sa isip ko..

Bakit ang lambot naman ng kamay niya mas malambot pa yata sa kamay ko.

Ilang segundo pa ang lumipas parang hindi ko magawang bitawan ang kanyang kamay. Nagulat na lang ako ng kumunot ang noo nito kasabay ng pagtaas ng gilid ng kanyang labi at alanganing ngiti.

Alanganin rin akong napangiti sabay biglang bitaw sa kanyang kamay na tila ba napaso.

Narinig ko pa ang mahina niyang pagtawa, sigurado akong namula ang ilong at pisngi ko. Dahil nararamdaman kong nag-iinit ang tenga ko.

Paglingon ko kay Sir Rigo parang ibig nitong sumimangot.

Haysst, taksil ka Aleyha!

"Paano bro, magkita na lang tayo sa office and goodluck!" Tumalikod na agad ito.

"Ang yabang!" Bulong ni Sir Rigo mabuti na lang mabilis nang nakalayo si Ivo. Ang haba ba naman ng biyas nito dalawang hakbang lang yata ang isang metro.

___

Maaga akong gumising dahil ito ang unang araw ko sa opisina ng S&DC.

Kahapon pinasamahan ako ni Sir Rigo sa kanilang driver para bumili ng mga kakailanganin kong gamit. At sa isang employees home facility ng kumpanya ako pansamantalang tumutuloy. Dito ako dinala ni Sir Rigo makakasama ko ang ibang empleyadong stay-in.

Gusto ko sanang hanapin ang Papa kaya lang hindi ko alam kung saan ito nakatira at saka natatakot rin akong maligaw dito sa Manila. Hindi ko pa kasi kabisado ang pamumuhay dito. Ang alam ko lang nasa Alabang kami ngayon.

Pero sisikapin kong hanapin ang Papa mamaya sa opisina ng S&DC. Hindi ko naman kasi masabi kay Sir Rigo at nahihiya rin akong magtanong. Ayoko namang isipin niya na napaka ignorante ko at hindi ko alam kung paano hahanapin ang tatay ko.

Ah, bahala na magtatanong tanong na lang ako kapag nasa office na ako.

_

Hindi ko magawang pigilan ang kabang nararamdaman ko. Kasi naman bukod sa first time kong papasok sa S&DC unang beses rin ito na magcocomute akong mag-isa. Mabuti na lang kahit paano kinabisa ko naman ang daan kahapon. Kaya lang hindi ko alam kung saan ang sakayan papunta sa office..

"Good morning! Papasok ka na?" Lumingon muna ako sa kaliwa, sa kanan bago ko itinuon ang atensyon ko sa babae sa harap ko para masigurong ako nga ang kausap niya.

"Oi ano ka ba?"

"A-ako ba?" Natawa ito sa reaksyon ko.

Kahapon kasi hindi ako pinapansin ng mga empleyadong narito. Parang wala akong kausap sasagot lang sila, tatango kung ano lang tinanong ko.

At walang sino man ang nagtangkang kumausap sa akin o nakipagkwentuhan. Lahat sila bisi-bisihan huwag lang akong makausap kaya pinili ko na lang ding tumahimik.

"Siguro nasampolan ka rin ng mga tao dito no? Huwag mo na lang silang pansinin masasanay ka rin, ganyan din ako nu'n una hanggang sa nasanay na lang ako." Nakangiting pahayag nito.

Tulad ko nakabihis na rin ito at handa nang pumasok suot ang uniform ng S&DC. Habang ako nakasemi-slack pant at 3/4 blouse.

"Pasensya ka na ha, akala ko kasi wala talagang gustong kumausap sa akin. Buti na lang kinausap mo ako, ako nga pala si Aleyha. Ikaw si.." Pakiramdam ko nakahinga ako ng maluwag at least may makakausap na ako ngayon.

"Blesilda Ocampo, Blessy na lang sa office ako naka-assign staff ako sa Accounting Department. Ikaw, bago ka di ba?" Tanong nito.

"Oo ngayon pa lang ako magsisimula pero hindi na ako bago sa S&DC galing ako ng CDO sa Isla del Castro Resort. Sandali, ang sabi mo sa Accounting Department ka diba? Kung ganu'n kilala mo ang Pa.., I mean si Mr. Soriano doon din kasi siya."

Muntik ko nang makalimutan wala nga palang nakakaalam na anak ako ni Papa. Saka na lang siguro ako magpapakilala sa kanila kapag nakita ko ang Papa. Sure naman na ipakikilala rin ako sa kanila ni Papa.

"Oo naman siya ang Boss ko ang head ng department namin. Kilala mo siya?" Balik tanong nito sa akin.

"Oo pero hindi pa kami nagkikita ulit, gusto ko nga sanang makita siya kapag nasa office na ako."

"Sa opisina ka rin pala, saang department ka naka-assign?" Tanong ulit nito.

Palagay ko magkakasundo kami ni Blessy lalo na at alam kong kasama niya si Papa.

Buti na lang maaga pa hindi pa naman kami late.

"Kinuha akong Personal Assistant ni Sir Rigo kaya sa kanya ako magtatrabaho." Kung p'wede nga lang irequest mas gusto ko sanang sa Accounting department na lang din ako para kasama ko ito at ang Papa.

Pero doon na ako napunta.

"Ow! Kaya naman pala, mukhang malakas ang kapit mo ah? Kaya huwag ka nang magtaka kung bakit medyo ilag sila sayo dito." Nakangiting pahayag nito.

"Ganu'n ba, pero wala naman akong intensyon na magpalakas tinulungan lang ako ni Sir Rigo. Pero tulad n'yo rin ako gusto ko lang din magtrabaho." Bakit naman nila ako pangingilagan hindi naman ako mangangagat.

"Pero huwag mo nang isipin 'yun, tayo na sabay na tayo mukhang ready ka na rin naman." Anyaya na nito.

Kung alam lang nito na kanina ko pa nga problema ang makakasabay sa pagpasok. Ang lakas ko talaga kay God hindi niya ako pinababayaan. Thank you po.

Pakiramdam ko nang oras na iyon nakatagpo na ako ng bagong kaibigan, sana lang legit na ito.

___

Mula sa tinutuluyan namin hanggang sa makarating kami ng S&DC office marami kaming napag-usapan ni Blessy maliban lang ang tungkol sa Papa.

Kahit pa marami akong gustong itanong iniwasan kong na banggitin siya ulit.

Masarap kausap si Blessy ngayon pa lang kami nagkita pero parang dati na kaming magkakilala na ngayon lang ulit nagkita.

Hindi ko na tuloy namalayan ang oras at hindi ko na rin naisip na magkaiba nga pala kami ng pupuntahan. Awtomatikong napasunod rin ako sa kanya sa paglabas ng Elevator. Nasa second floor lang pala ang Accounting department samantalang ako sa fourt floor pa pupunta.

"Huwag ka nang lumabas dito lang ako, ikaw sa fourth floor pa doon ang office ni Sir Rigo." Pero nakahakbang na ako palabas at awtomatikong nagsara na rin ang elevator.

"Ha, ah e?" Napisil ko tuloy ang ilong ko.

"Sige na, bilisan mo na medyo masungit kasi si Ms. Cindy istrikto 'yun sa oras siya ang secretary ng CEO kaya siya rin ang makakasama mo kaya ingat ka sa kanya. Mamaya na lang ulit, Goodluck na lang sa'yo ha!" Sunod-sunod nang salita nito na tila nagmamadali na rin.

"Okay sige, salamat ha!" Alam kong batid niya na naninibago pa ako hinintay pa niyang makabalik ako sa Elevator bago ako tuluyang iniwan.

Haysst!

Unang araw ko nga pala ngayon kaya kailangan kong magpaimpress. Pero narito pa ako at mukhang nakatakdang ma-depress sa sermon ng secretary ng CEO.

"Aleyha, brace yourself kung ayaw mong mawalan agad ng trabaho!" Bulong ko sa aking sarili na medyo napalakas yata.

Dahil may nakarinig...

"So dito ka pala magtatrabaho? Miss crying Lady under the sun.."

"Huh? Mr. Long legged.."

"What?!"

*****

06-05-25

@LadyGem25