ELLAINA
Katatapos ko lang kumain ng inihaw na manok na hinuli pa ni Noah at niluto kasama ng ilang prutas na mula sa loob ng gubat nang matanaw namin ang paparating na dalawang bangka mula sa malayo. Napatayo tuloy kami sa tabi ng dalampasigan.
"Sina Jarred iyan sigurado ako. sinusundo ka na nila, Ellaina," wika ni Noah. Nakatitig lang ako sa bangka habang masasal ang t***k ng dibdib. Maya-maya ay kumilos ang kasama paalis sa tabi ko.
"N-Noah, pasaan ka? Hindi mo ba sila gustong makita?" tanong ko sa kaibigan.
"Hindi ako pwedeng makita ni Travis lalo na ng kasama niyang taga-San Isidro. Kailangan ko nang umalis, Ellaina. Sumama ka na kay Master Jarred, mag-iingat ka," anito saka ako niyakap. Napilitan na lang akong kumaway sa lalaki nang mabilis itong pumasok sa kagubatan. Naiintindiha
