AZZERDON
Tuluyan ko nang iwinaglit sa utak ang tungkol sa manggang ipinapahanap sa akin ni Danica at sumama kina Raiko para puntahan ang room ni Trixie sa Dorm. Sina Jarred at Angelo ay sa ibang panig ng M.U. naghanap kaya kaming tatlo nina Chad at Raiko ang magkakasamang nagtungo roon.
Pagkarating sa tapat ng room ay marahan kaming kumatok para hindi magambala ang ibang estudyanteng natutulog na.
"Tulog-mantika yata ang babaeng iyon? Ngalay na ngalay na ako kakakatok ay hindi pa rin binubuksan," pabulong na reklamo ni Raiko.
"Pasukin na natin. Baka mainip si Master Jarred," suhestiyon naman ni Chad.
"Try n'yo munang katukin nang katukin. Baka iba pa makita natin kapag basta na lang tayo pumasok. Eh, 'di nayari tayo kay Seb?" tugon ko.
"Oo nga. Baka naka-panty lang matulog si Trixi
