NAKASUNOD lang si Elli kay Zayd hanggang sa makapasok sila sa assigned room nila kanina. Dahil tapos na ang mga exam ay wala nang tao roon.
“Huwag kang mag-alala dahil hindi ‘yon mangyayari. Sisiguraduhin kong makaka-graduate ka at sisiguraduhin ko ring mapaparusahan ang gumawa sa ‘yo nito,” paniniguro naman nito. “Saan ka ba nakapuwesto kanina?” tanong naman nito habang nag-iikot na sila sa loob ng room.
“Dito ako nakaupo,” lumalakad siya palapit sa table niya kanina habang nakaturo siya roon. Malapit iyon sa bintana, nasa pang-apat na linya mula sa harapan at nasa pangalawang linya mula sa likod.
“Saan ka naman niya binangga?” tanong ulit nito habang nagmamasid sa paligid.
“Pagtayo ko kanina rito, halos dito lang din niya ako binangga.” Pagtapos mula sa kinatatayuan niya sa tabi ng t
