“PANAY ang buntunghininga mo riyan, Kentt! Parang ang laki ng problema mo, bro.”
Mula sa tinitingnan niyang menu card, napasulyap si Kentt kay Joel. Nasa Majesty Restaurant sila ng oras na iyon. Siya mismo ang nagyaya ng early dinner sa kaibigan dahil weekend naman at pareho silang walang pasok kinabukasan. Kung nandito rin sana si PJ ay iimbitahan niya pero next week pa raw ang uwi ng kaibigan nila.
“I was just thinking,” sagot niya bago muling itinuon ang tingin sa menu card.
“Anong iniisip mo? Trabaho na naman. Magpakahinga ka naman tutal Sabado ngayon.”
Muling napabuntunghininga si Kentt. Itiniklop niya ang menu card. Ngunit imbes na harapin ang kaibigan ay nilingon niya ang waiter na nakatayo sa kanyang tabi. Ibinigay niya ang kanyang order dito. Ganoon din naman ang ginawa ni Joe
