NAGISING si Kricel kinabukasan na masakit ang buong katawan niya. Pagtingin niya sa kanyang tabi ay tulog na tulog si Patrick. Napasulyap siya sa wall clock. Six-thirty na ng umaga. Tanghali na iyon para sa kanya dahil ang normal na gising niya ay alas-singko ng umaga. Nag-i-stretching o jogging pa kasi siya bago maligo at maghanda para sa pagpasok.
Kahit makirot ang pagitan ng hita niya, pinilit niyang bumaba ng kama. Halos manlumo siya nang makita niya ang mga nagkalat niyang damit na punit na at hindi na mapakinabangan. Pinulot pa rin niya ito at ipinatong sa sofa bago siya pumasok ng banyo. Nagmamadali siyang naligo kasabay nang pagpatak ng luha niya.
Hindi niya iindahin iyong sakit ng kanyang katawan dahil alam niyang mawawala rin iyon pagkalipas ng isa o dalawang araw. Pero sakit
