“SAAN nagpunta si Rosaline?” nagtatakang tanong ni Leamor.
“Sumama doon sa waiter para doon sa dare niya.”
Napahawak ng kanyang dibdib si Leamor. Baka kung napaano na iyong kaibigan niya. Lasing na iyon, eh. Medyo tipsy na rin siya kasi apat na shot na rin ang nainom niya. Pero mas malakas ang tolerance niya sa alak kasi ilang beses na rin siyang nakainom ng alak, Kapag problemado ang tiyahin niya ay umiinom ito ng gin at inaaya siya. Hindi naman siya makatanggi kasi nag-aalala siyang malalasing nang husto ang tiyahin ka kapag inubos nito ang isang bote ng gin na two by two.
“Ah, pass muna, ako. Susundan ko lang si Rosaline. Baka kung saan makarating iyon.” Tumayo na siya at lumayo sa mesa kahit hindi pa pumapayag ang mga kasama niya.
Nilinga niya ang buong paligid. Hindi niya makita
