NIKITA’S POV
Akmang sasampalin ako ni Alona pero hinawakan ko ang pulso niya bago pa man iyon lumapat sa pisngi ko. Ngumisi ako sa kaniya habang tila nanginginig naman siya sa galit sa akin.
“Subukan mong dumapo sa pisngi ko iyan palad mo, sisiguraduhin kong bukas, wala ka nang career,” pananakot ko sa kaniya.
“Shut up!” Singhal niya sa pagmumukha ko. “Huwag kang gumawa ng kwento. Wala akong alam sa sinasabi mo. Kung balak mo akong siraan kay Xerxes, huwag kang umasang maniniwala siya sa iyo. He loves me, and he knows na hindi ko magagawa ng binibintang mo,” matigas na tanggi niya bago inagaw ang kamay niyang hawak ko.
“He loves you,” mapang-insultong ulit ko. “Then bakit ka nagloko?” Tumingin ako sa labas kong nasaan ang mga kasama namin. “Bakit pumatol ka sa isang expired na hotdog?”
