“Ciel,” halos pabulong kong turan sa pangalan ni Mariciel nang maramdaman ko ang tangka nitong paglayo sa akin. “Stay!” utos ko at muli ko itong hinawakan sa kamay saka ko marahang hinila papalapit sa akin.
“D-Darryl, a-ano ba? B-Bitawan mo ak—”
“Sapat na ba ang nakita mo, Allonah, para maisip mong wala na akong pagmamahal sa ‘yo at wala ng patutunguhan ang pagsasama natin? Sapat na ba ang mga ‘to para tumigil ka na?” Sa halip ay turan ko kasabay nang mas lalo pang paghigpit ng hawak sa kamay ni Mariciel, dahilan upang mapahinto ito sa pagsasalita.
Naramdaman ko ang malakas na pagsinghap ni Mariciel kasabay nang biglang panlalamig ng kamay nito na may bahagya pang panginginig.
Hindi ko pinansin ang reaksyong iyon ni Mariciel, sa halip ay mariin lamang akong tumitig sa mga mata ni Allon
