"Ano ng plano mo ngayon?" tanong ni Aljune nang makaupo na ito sa aking tabi at ibinigay ang isang bottled water.
Marahan akong bumuntong hininga habang nananatiling nakatuon ang paningin sa aking mga anak na masayang naglalaro sa park kasama sina Aira at Donna, saka ko kinuha ang bottled water.
Isang linggo na mahigit ang lumipas mula nang makabalik na uli kami rito sa Pilipinas, at sa loob ng isang linggong iyon ay hindi na rin magkaroon ng katahimikan ang aking isip.
Sobra na akong naguguluhan. Ang aking isip at puso, hindi na ako nagkaroon ng katahimikan mula nang araw na malaman ko ang buong katotohanan sa nangyari kay Marseille. Ang ginawa ni Darryl sa aming anak.
Hindi ko rin maiwasang matakot sa posibilidad na maaaring gawin ni Darryl oras na malaman na rin nito ang katotohanan
