MARICIEL
“Ano na ang plano mo plano mo ngayon?” tanong ni Donna mula sa aking likuran. Hindi ko man lang namalayan ang paglapit nito dahil sa pag-iisip sa aking mga magulang.
Isang linggo na ang lumipas mula nang makabalik na kami rito ng aking mga anak sa Pilipinas, ngunit hanggang ngayon ay hindi ko pa rin nakikita ang aking mga magulang. Hindi ko rin alam kung saan ko hahanapin ang mga ito, lalo na’t wala ring makapagsabi sa mga kapitbahay namin sa Bicol kung saan lumipat ang mga ito.
“Hindi ko pa alam, Donna, eh. Sa ngayon, ang gusto lang ay mahanap ang mga magulang ko, bago ako makabalik sa ibang bansa. Gusto ko silang makausap at humingi ng tawad sa nagawa kong pagkakamali.”
“Eh, si Misis Allonah? May plano ka bang kausapin s’ya? I mean, tulad ng gusto mong gawin sa mga magulang
