PAGDATING ko sa hospital ay agad akong dumiretso sa opisina ni Darryl. Hindi ko sinunod ang utos ni Aljune na huwag akong aalis ng bahay, dahil hindi ko na rin mapigilan pa ang aking sarili na hindi makausap si Darryl.
Gustong-gusto ko nang ipaalam dito ang totoo kong kalagayan at baka sakaling dahil sa magiging anak namin ay matuloy na ang sinabi nito noon sa aking magsama na kami at bumuo ng pamilya.
Alam kong mali, ngunit sa mga oras na ito ay walang ibang mahalag para sa akin ang aking magiging anak, kaya't handa akong sumugal ano man ang kahihinatnan ng desisyon kong ito.
"K-Kuya Arnel, nasa loob ba si Dr. Nuñez?" agad kong tanong kay Kuya Arnel nang bigla itong bumungad sa aking harapan mula sa loob ng opisina ni Darryl.
Pansin kong tila natigilan ito at para bang hindi agad alam
