DARRYL
"Sir, nagkamalay na po si Miss Cruz at nakaalis na rin po ng hospital kasama po si Mr. Mendoza. Nakausap ko rin po si Miss Che, nag-file raw po si Mr. Mendoza ng leave of absence para kay Miss Cruz."
Malalim akong napabuntong hininga kasabay nang pag-igting ng aking mga bagang at mariing pagkuyom ng aking mga kamao dahil sa ginawa ni Mendoza. Masyado na itong nangingialam at sa buhay ni Mariciel. At iyon ang hindi ko matanggap.
"Nalaman mo ba kahapon kung saan dinala ni Mendoza si Mariciel?" sa halip ay tanong ko.
Pinasundan ko kay Arnel kahapon ang sasakyam ni Mendoza nang makaalis sa restaurant. Aaminin kong gustong-gusto kong sugurin si Mendoza at bugbugin hanggang sa tuluyan itong mawalan ng malay, ngunit hindi ko magawa at wala man akong lakas na lapitan ang mga ito dahil n
