"ANG tagal namang nakabalik ng kaibigan mo, Sandra," pagrereklamo ni Lola Ester kay Sandra. Kasalukuyan na kasi silang kumakain at ang kaninang si Georgina na pinagsundo kay Juancho ay hindi pa rin nakakabalik.
"Ayan na po siya, o." Napatingin sila kay Georgina na ngayon ay naglalakad patungo sa cottage. Salubong pa ang kilay nilang lahat dahil hindi nito kasama si Juancho.
"O, bakit mag-isa ka lang? Nasaan na 'yong pinatatawag ko sa 'yo?" tanong ni aling Gina.
"Nando'n pa ho. Mukhang ilang taon na hindi nakakita ng dagat, e."
Napailing-iling na lamang sila rito.
"O, siya. Kumain ka kayo riyan at maglalaro pa tayo maya-maya," ani Mang George.
"Anong laro naman? Kasali pa ba ako riyan? Marupok na ang buto ko!" pagrereklamo ni Lola Ester.
"Taguan ng feelings! Yiee!" Si Georgina sa
