الفصل الثاني

3010 Words

صحيت الصباح على مضض من صوت جوود ود اخوي الشقي كان جايط وفرحان ومبسوط عامل لينا جو في البيت .خته لي جمانه جمبي وهي قعدت تخبط في وشي وتكفت ساي لمن وشي حمر جمانه بت اخوي الصغيرة عمرها تلاته سنه بت حلبيه عسوله خلاص ومهضومه وشقيه برضو التقول الشقاوة دي وزعوها بينها وبين جود والله اعلم من ما الزول يعاين ليها بتضحك ولو انت زعلان وقافله معاك فجأة تلقى روحك فصلت فصله عجيبه زاتو وقعدت تضحك زي الأطفال ملائكة واحباب الله.. شلتها وطلعته برة لقيت خالد اخوي ومرتو صبا قاعدين بشربو في الشاي سلمت على اخوي خالد بالجد كنت مشتاقه ليهو كتير وطولت ما لاقيتوخالد كان آخر حد يفضل لي من أسرتي وبعد موت امي وابوي هو بقي لي الام والاب وحرفياً عوضني بجزء من حنانهم وبالرغم من انشغالاتو الكتيرة ومشاكلو مع مرتو لكن ماف يوم رفض لي طلب ولا صر لي وشو ولا شاكلني زاتو بالجد كان الكتف البتكي عليهو والسند الذي لا يميل ربنا ما يحرمني منو ابداً قال لي : امس جيت غرفتك عشان اسلم عليك لقيتك في سابع نومه تشخري ساي قلت ما ازعجك والصباح رباح اصبر بس اعمل شنو قلت ليهو اي والله كنت مرههههقه خالص من قعدة البص ومن جيت طوالي نمته.. انت كيف امورك والشغل ماش معاك كيف عليك الله قال لي الحمد لله في نعمه وعافية وستر بس يا اختي..لكن البلد دي حالتها تحنن والله والاوضاع بقت صعبه شديد الناس معصورين عصرة عجيبه نحن نقول الحمد لله بالنسبه لحالة باقي الناس.. غايتو ربنا يكون في عونهم بس و واصل بحزن : البنزين واصل السماء والغاز الا ف السوق الاسود بأسعار خرافيه زاتو حيرتنا حيرة شديدة والله قلت ليهو : التذكرة عامله 500 يا خالد انا امس وقت مهاب ود خالتي قطعها لي م صدقته زاتو دي عوجة شديدة والله خالد : معليش انا زاتي رسلت ليك قروش حبه والله يا اختي بس الحمد لله انا مقصر معاك شديد قلت ليهو م مقصر معاي ولا حاجة وكلو بالبركة وجودك معاي ده اهم شيء قال بعد اخد ليهو تنهيدة ربنا يصلح الحال بس.. واتونسنا كدااا . وجود الأخ نعمة عظيمة ما بحس بيها إلّا الزول الفقد امو وابوهو.. اخوك هو الزول الوحيد البكون ليك اخ وصديق.. هو الوحيد الما بخذلك أبداً، وهو السند البتلجأ ليهو في أحلك الظروف عشان يكون ليك عوناً له، فالأخ يضفي رونقاً جميلاً في حياك كل واحد مننا ولو ما الاخ ما كان حيكون للدنيا دي طعم ولا لون.. عمومآ ي جماعه الأخ الصالح احسن ليك من نفسك زاتها ، لأنّو النفس أمارة بالسوء، والأخ الصالح لا يأمرك إلا بالخير هو الوحيد البتشارك معاك ذكريات الطفولة وأحلام الشباب. في بعض الأحيان يكون الشقيق أفضل من ألف بطل خارق واخوك ماف زول بشيل مكانتو وما بتعوض أبداً. ماف هناك أجمل من صديق ممزوج بنكهة أخو وهو الوحيد من يسعى معك ومَن يَضر نفسه لينفعك وهو اللما الزمان ي**رك بشتت فيك شمله ليجمعك. مهما كان العمر، يكون الأخ الكبير هو الأب الثاني لأخته وخالد كان ابوي الثاني في حياة ابوي وفي موتو وجود خالد في حياتي هو حضور لصديق أبدي، ورفيق أول للطفولة، وصخرة تستند إليها عندما تكبر. خالد اخوي الغالي من اتزوج صبا وبالرغم من محاولاتها الدايمة انها تخليهو يقسى علي لكن ما كان بسمع ليها نهائي بتذكر مرة انا طلعت لصحبتي آلاء واتاخرته واظن هو وقت حا ما قالت ليهو اني مشيت لي آلاء وكان تلفوني ف البيت وهي عارفه بكده لانو كان في يد بتها وخلت خالد انو يظن اني م عايزه ارد واني اكيد مشيت الاقي زول فوقت جيت صبا اتوقعت انو حيقع فيني ضرب وكده لكن اول حاجة قالا لي تلفونك وين.. قلت ليهو مع جمان اتشبكت فيني واديتها تلفوني وطلعت.. هنا طوالي فهم انو صبا كانت بتحاول تشككو فيني قال لي م تعيديها كويس؟ يعني قدر شنو اخوي خالد كبر ف نظري وحرفياً انا من وقتها ما ختيت نفسي في موقف يخليهو يشاكلني ولا يزعب مني الأخ هو السّند والأمان كيف نخليهو غير كده وهو الشجرة الوارفة التي لا تميلُ ولا تنحني، وهو السور العالي والحصن المنيع الذي يذود عن أخيه مصائب الدنيا، ويكون له سنداً وعوناً على الأيام والأعداء حتى وقت خليت يمان هو كان اكتر زول وقف معاي وخفف عني.. فقدت امي وابوي ويمان في وقت متقارب وكنت خلاص قربت ادخل حالة اكتئاب ويمكن كان انتحر عديل وما لقيت زول من اهلي الا خالد اخوي.. وقف معاي دعمني وسندني كتير والله اخوي خالد كان عيني البشوف بيها ، وأذني البسمع بيها ، وقلبي الذي ينبض علاقتي باخوي بطبيعتها كعلاقة الصداقة الأخوة الجيدون هم الروابط التي تقوم على أساسها الحياة، وهم الشيء الذي يربط بين الأمور التي حصلت في الماضي، والطريق إلى المستقبل، وأساس التعقل في عالم مليء بالجنون. أخوك من صدقك النصيحة. خالد رباني مع اطفالو خير تربية.. ربانا على الحب بغض النظر عن خساسة مرتو الاصلاً ما بتشبهو وعيالا ما بشبهوهها ابداً تحب روحها ونفسها شديد وما اظن بتحب حاجة غير ديل عايشة معانا زيادة عدد ياخ كن طلعت عيالهل م بفقدوها وكن رجعت ما بستقبلوها زيهم زي الاطفال لمن أمهاتهم يجو عشت ايام سمحة شديد مع اخوي مليانه ضحك وهظار وفرفشة.. الحمد لله على نعمة الاخ خالد الغالي يا صديقي ورفيق دربي، يا من معه تحلو كل الأوقات، وبقربه أشعر بالأمن والأمان، ومعه دائماً يحلو الكلام، أحبك أخي أخبروهو بأنه أبي الثاني، وأنه سندي في هذه الدنيا، وأنه عوني من بعد الله، وأني أحبه جداً ولتعلم انت وجمان وجود انكم أغلى من ملكت روحي في هذه الحياة أخي الغالي امنحني بسمة من ثغرك الوضاء، تشفي لي حنيني.. وتضيء الدرب حولي.. وتزيل كل همومي شكراً يا أخي على تلك الابتسامة اللطيفة، التي تشق بجمال نورها ظلام قلبي فتمسح ما به من هموم، وشكراً على تلك اللمسة الحانية، التي تفجر في قلبي ينبوعاً من الأمل في هذه الحياة القاسية أخي الغالي لأجلك الأمواج تولد ويرسم البحر على الأفق البعيد، لأجلك أبتسم حتى أجعلك تبتسم، فأنت أخي الذي أخاف عليه بعدها قومتة استحميت وجيت شربته الشاي ومشيت شوفته المطبخ بقول شنو طبعآ صبا خلتو لي يسوي كدي كن عطست الغبار بطاير ليك في وشك طوالي ربطته نصي ونزلته العده كلها في الأرض غسلتها ولمعتها وغسلته عدة التلاجه بي يدي المربوطه دي الصابون اتكيف غايتو .ونضفته الخزانات الفوق وزعفته السقف وتمرتهم ومسحت الارضيه باختصار كده الضهر اذن وانا خلاص خلصته نضافه وهُلكته هلكه شديدة ياخ دخلته استحميت واتوضيت صليت الضهر وانا في مصلايتي اتذكرت البت الامس حننتني شديد والله وبدون ما اشعر قمت طلعته لي عبايه لبستها واتجاهلته تعبي ووجع ضهري قلت لازم امش اشوفها بقت كيف ابوها ما قصر معانا وانا طالعه لاقتتي صبا قالت لي اها علي وين كمان متين جيتي لمن عايزه تبدي تتحاومي قلت ليها السوق..ماشه اجيب لي حاجات من الصيدليه خير ما امش ولا كيف؟؟ قالت امممم طيب لالا امشي امشي خير جمانه جات جاريه اتشبكت فيني الا امها شالتها بالقوة وطلعت خليتها بتبكي ساي كنت حاسوقها لو ما ماشه المستشفي حتمش تلقط ليها عدوي ساي ركبته مواصلات لانو الركشات م بتتهبش اسعارهم نار وشرار وصلت السوق شلت لي علبة شوكلاته واتوجهته على المستشفي لاحظتة للسنتافئ الحمرا قاعده تسوي كدي بره وبالتالي عرفته انهم ما خرجوهم لسع وانا اصلا جايه بدون موعد مشيت و وقت سألته الممرضه قالت لي طلعوها من العنايه واسي هم في الجناح الخاص ووصفت لي مكانهم مشيت هناك وعلى حظي لاقيت تنوير جمب الباب بتتكلم بالتلفون ومن شافتني اتذكرتني وابتسمت لي وآشرت لي علي الباب ابتسمت ليها ودقيت الباب ودخلته. لقيتو متكل نايم في الكرسي وكان باين عليهو الارهاق قلبي وجعني عليهو بالجد البنت امس كانت حالتها حرجة جداً واكيد م بكون نام الليل كلو كانت بتو صاحيه بتعاين في السقف ساي ووقت حست بي و شافتني فررحت وكانت عاوزه تقوم جيت بوستها في راسها قامت حضنتني وابت تفكني بالجد البنت دي تتحب وطيبه شديد ف اللحظة دي ابوها صحي واتفاجأ لمن شافنا ابتسم وقال لي : شبهتك بي امها الله يرحمها بتشبهيها شديد انتي و واصل : زينه بكفي يا بنتي خلي ماما جوري ترتاح استغربت من كلمة ماما جوري دي وهو لمن شافني استغربت قال : لو مافيها ازعاج انها تناد*ك كده قلت ليهو عادي. انا عندي كم زينة. انور : يلا يا زينة فكي ماما جوري قامت فكتني بالراحه و وشها بقي عابس قلت ليها : كيفك انتي حبيتي اسي كويسه؟ هزت لي راسها بمعني كويسه ..استغربت ليي م اتكلمت بس ابوها قال لي : م بتتكلم و واصل بحزن : من وفاة امها قبل 4سنه وهي م بتتكلم ما نطقت من يومها ولا بي حرف قلت ليهو : آسفه قال لي م مشكله اتفضلي ارتاحي جايه من مشوار قلت ليهو ماشه والله عندي شغل كتير ف البيت وكم مرسال ف السوق وزي م عارف بكرة رمضان وكده لازم اخلص اي حاجة الليله قال لي خلاص لكن على شرط قلت ليهو شنو الشرط قال لي انا حأوصلك للبيت قلت ليهو م بحتاج والله بعدين زينة محتاجة ليك جمبها قال لي تنوير حتجي تقعد مع زينة وحأوصلك قلت ليهو لالالا م تتعب روحك قال لي كلمة وقلتها وطلع برة آشر لي تنوير بعد شويه جات داخله قال ليها حسك عينك تطلعي من الغرفه قبل م انا اجي ! قالت ليهو بآسي : حاضر ومشي باس بتو قال ليها اسي بجيك ياروحي آشرت علي وخلاص عايزه تبكي اظن يا عايزه تمش معاي يا ما عايزاني امش قال ليها حتجي تزورك م تخافي هي ماشه عندها شغل في البيت مش يا جوري؟ انا زاتي جيت بوستها ف راسها وقلت ليها كلام بابا صاح انتي ابقي كويسه عشان نطلعو رحله سوا كويس ؟ ابتسمت وهزت لي راسها بمعني حاضر بعدها طلعنا انا وشاهين قلت ليهو والله عذبت نفسك ساي قال لي حاصولك وماش البيت عندي كم حاجة كده وتاني برجع المستشفى فما عايز منك تحسي بالذنب مشيت الصيدليه شلت العايزاهو ورجعني البيت. قبل م انزل قال لي : فيني أطلب منك طلب ؟؟ .بسس إذا م عجبك فيكي ترفضي طبعآ استغربته من كلامو واحترت هو عاوز يطلب شنو...قلت ليهو ان شاء الله..اتفضل قال لي : عاوز نمرة تلفونك لو امكن يعنب و واصل : انا شوفتك زوله راقيه ومتفهمه وزي م شايفه بتي بقت خرساء وغير كده هي مصابة بمرض التوحد ولمن شافتك وشافة ملامح امها فيك اتجاوبت معاك ارجوك انك تساعدني نطلعها من حالتها دي والله طلبي ده ما قاصد منو الا كل خير فما عايزك تفهميني غلط طبعآ احترت اقول ليهو شنو وكلامو كان منطقي جداً واصل كلامو فيكي ترفضي عادي واعتبري نفسك م سمعتي حاجة مني فعلاً كان فيني أرفض لكن بلا م اشعر وكأني م**رة او منومة مغنطيسيآ قلت ليهو 09138.....مليتو رقم تلفوني! اجي يا جوري!! بالسهولة دي اديتي رقمك؟ بعد عملتها قفلت خشمي بي يدي لغاية ضحك من الحركه!. يمكن لانو عرف انو مؤثر فيني شديد وبقدر يطلب مني بدون ما أرفض ليهو طلب. او يمكن هو متعود يتحصل على اي حاجة عايزها بدون ما زول يرفض ليهو طلب نزلت من العربيه وانا متمنيه محمد سيد الدكان ما يشوفني فكان دكانو قافل حيرني زاتو قيت الباب صبا فتحت لي ولا اشتغلت بيها بتقول في شنو وطوالي دخلت غرفتي وانا بعاتب في نفسي قلت : اسي يقول علي شنو الراجل ؟ خفيفه ولفيفه من قال ليهل رقمك ادتو طوالي الحصل ليك شنو ي جوري مالك بقيتي كده ومن متين انتي كده اااخ منك يا جوري زفت الطين ! وبعد قعدت شاكلت نفسي تمام مشيت اخدت حمام ورجعت تميت شغلتي وغسلت ملابس قدر الضربة وكل ثانيه والتانيه بمش بشوف تلفوني ما عارفة راجيه منو يتصل علي ليشنو **** اقيفو في صف البنزين ? السخانه حقتك ي القضارف عجيييييبه.. لمن تقومي للجو السمح ماف زول بفوتك وتنافسي دول اروبا وبنما والم**يك لكن لمن تقومي للسخانه انتي الاولي وما عايزة اقول بتنافسي جهنم والله اعلم!! شغلة رمضان زي كل مرة معظمها انا بعملها..العصيده الملاح خت البليله وبعمل العشاء.. صبا بتعمل المديده بس لانها بتظبتها وكده كن ما كدة كان بكون بعمل الشغل كلو.. الغريبه اني ما كنت بفتر ولا بقول ليها ليي ما بتساعديني يمكن عشان انا بحب الطباخه و وقت يجي وقت المويه انا بعمل العصائر وخلاص يعني اتعودت على الشغله دي وبقيت بحبها زاتو اول يوم في رمضان كان سخننننن مبالغه اقسم بالله بي الله ويامين تميتو. لكن لاني دايماً اول يوم بتعب فيهو ووقت الفطور كترت المويه وبالسبب ده م قدرت امش التراويح عشان كده نوومممممته بس وما حسيت بي حاجة تاني في مكان آخر كانت عقارب الساعه تشير الي 12:34ص كان يجلس في مكتبه وينفث دخان سجارتة ذات النوع الفاخر وكان يرتدي خاتم منحوت فيه شكل صقر سمع طرق ف الباب ودلف الي الداخل رجلآ آشعثآ في الاربعين من عمره ذو عينان صغيرتان وذقن به شعر حاد كالمسامير!! . ناوله ظرف وقال بصوته الأجش الخشن : الاسم جويريه كمال .العمر 20سنه بتدرس صيدله جامعة الخرطوم وساكنه داخليه بس كمان عندها خالتها طوالي بتطلع ليها خارجيه امها وابوها اتوفو قبل 3سنه في حادثة سقوط الرافعه في الحرم المكي الشريف عايشه مع اخوها اسمو خالد متزوج وآب لطفلين وشغال موظف ف بنك مستوي المعيشه وسط نفث دخان سيجارتة كأنه تنين ثائر وآشار لضيفه بالخروج. بعدها تناول الظرف وآخذ يقلب في الصور التي كانت صور مختلفه لخاطفة عقله ولبه وراح يردد اسمها بطريقه تخيف كل شجاع آبي : جوووري !! جووري صحيت مفزوعه م عارفه من شنو. لقيت الساعه 6:34ص ! اتخييييييلو بس انا لا اتعشيت لا اتسحرتة ! قعدته في نص السرير وشعري اتنكش و واقع في السرير.. عاينته مسسسسافه كنت عايزة افهم انا منو وقاعده وين فجأة تلفوني دقه رفعتو لقيتو رقم غريب وفي مكالمات معلقه كتيرة م عديتها زاتو رديت الوو سكت مسسسافه ورده لي : الو صباح الخير قلت ليهو صباح النور منوو معاي؟؟ قال لي معاك انور قلت ليهو انور منو؟ قال لي انور شاهين..اتذكرتيني مس جوري؟ انا ابو زين )طبعآ ي داب حسيت بي اني أنثي ..لمن قال مس جوري دي...حييينا ) قلت ليهو اي متذكراك آبو زينة معليش صاحية من النوم وما مركزة ..كيفكم وكيف زينة اصبحت؟ قال لي كويسه والله الحمد لله..خرجونا خلاص لكن من امس بتسأل منك وعذبتني عذاب والله قلت ليهو ربنا يواليها الشفاء قول ليها ن شاء الله حأزورها.. قال لي تكوني عملتي لي معروف م حأنساهو ليك طول عمري معليش عذبناك معانا قلت ليهو عيب ما تقول كده ياخ بعدها حصلت لحظة صمت كده حقت الاحراج د*ك وعدم الموضوع..قمت قلت ليهو .رمضان كريم كمان قال لي الله آكرم..تسلمي مس جوري( احيييينا من مس جوري دي) غايتو اظن حسه انو ماف موضوع قال لي م اعطلك من شغلك يلا خلي بالك من نفسك وقفل الخط.م عارفه جاني احساس حقيقي جمييل. كونو زول يعبرك من الصباح دي حاجة كويسة شديد احسن من تكون مسفوه وانا حقيقي لي 3سنه مسفوهة ماف زول بعبرني اللهم الا كن منى صحبتي .بعدها قومتة استحميت وصليت الصبح..وقريت وردي من القرآن الكريم . عموماً يا جماعه الخيانة بتجي من الثقة بذات لمن تثق في زول ثقه عمياء بخونك طوالي.. اي والله اسمعو كلامي انا جوري دي اي زول خائن الناس كلها بتكرهو صحي حصل مره شفتو ليكم زول بحب الناس الخيانه؟ الا كن مجنون . الخيانة ممكن اننا نغفرها عادي.. انت خنتني ممكن اسامحك لكن خت في بالك انت خنتني ما بننساها ليك طول عمري وعموماً مفترض قبل تثق في صديقك انك تجربو اول وتخت في بالك انو عادي ممكن ي**نك والخيانة بتحصل مجرد ما تبقى فكرة وهي في حد ذاتها ميتة حقيرة يعني بمجرد ما تفكر انك عايز تخون اعتبر نفسك خنت خلاص اي زول بكافئ الناس بالمكر بلقى في المقابل الغدر قال المثل لا يحيق المكر الا بأهله ونكران الجميل خيانة للشرف والأمانة كالموت لا تسمح البتة بالفوارق كل زول كترت ظنونه حتتم خيانتو خائن اليوم ما بشنقو لكن بشنق الناس. لو زول طعنك من ورا اعرف أنك قدام ماف خير في عيشة تخوننا أوقاته وتغولنا مدده. الراعي الذي يفتخر بالذئب لا يحب الخراف. كفى بالمرء خيانة، من أن يكون أميناً للخونة. إن الخيانة ليس يغسلها من خاطئ دمع ولا ندم ممكن عادي تصاحب الذئاب لكن خليك مستعد . أصعب شيء في حياتنا غدر الأصدقاء وطعنهم لنا. ماف فرق بين خيانة الضمير وخيانة الواقع إلّا التنفيذ. من ضيع الأمانة ورضي بالخيانة فقد تبرأ من الديانة وهي ما بتنجح أبدا لأنو لو نجحت بنديها اسم تاني فى معظم الأوقات بعد تحصل ، تبكي المرأة ويندم الرجل. لا خير في خل ي**ن خليله.. ويلقاه من بعد المودة بالجفا. أفضل الخدع وأسلمها هي الحقيقة البحتة، لانو ماف زول بصدقها. الحب بتحمل الموت والبعد أكثر مما يتحمل الشك والخيانة والزول يمضي أكثر من نصف عمره في البحث عن الأعذار. صارت في هذه الايام لعب وغربة الوطن . انا خايفه يجي اليوم الحتبقي فيهو الخيانة وجهة نظر نسأل الله السلامة بس . في واحد قال انا عارف اي شيء عن الخيانة لاني عرست سته مرات والعجب انهم كلهم ناجحات ليي ناجحات تفتكرو؟؟؟ ايواااا بسس لأنو خاين… بخون الأولى والتانية والتالته والرابعه.. يطلق وي**ن وهكذا طلعت لقيت خالد مشي الشغل وصبا والعيال نايمييين ترطيبة شديدة المطبخ مقلوب رآسآ علي عقب التقول قصداً كده مرت اخوي المصون بهدلتو عشان تزيد علي موضوع النضافة… ما عارفه اني بحبها وما عندي اي مشكله اقعد انضف حتى لو اليوم كلو عشان كده مشيت غسلته العده ورتبتو تاني وكنت مبسوطة زاتو مع انتهائي جود جا حضني بي وراقال لي الششششاي انا جعان قلت ليهو ما صايم ولا شنو قال لي انا صغير لسه علي اممم انا وقت كنت في عمرك كنت بصومو كلو قال عمتو انا جعان ياخ قلت ليهو هههه عيوني ليك..اها جمانه صحت ولا لسه؟ هز لي راسو بمعني اي صحت دفيت ليهم اللبن ومليت ليهم كبابيهم بشربو اللبن بي بسكويت football بس للأسف لقيتو منتهي عشان كده نزلته البقاله اجيب ليهم *** بتاع البقاله حق المرة الفاتت قليل أدب خلاص!! ...التقول نحن ما في شهر رمضان..اديتو ال30حقتو وحلف كن يشيلا وقعد يتهابل فيني.. وما بين تشيلا وما بشيلا جدعتها ليهو في جردل بلح الشام وقلت ليهو عايز تشيلا شيلا م عايز ب*روفك وايديني البسكويت العيال منتظرني عايزين يشربو الشاي جعانين طوالي تاني قعد يقول لي لو ما شلته القروش ما حيديني البسكويت وانا مالي زي ده ونحن جيران وبتاع وعيال خالد زي عيالو واحد وانا زولة كعبه والجار للجار وكلام كتير عوير عوارة بس الحمد لله قاعد يحاجج فيني ساي وزهجت منو وعطشني زاتو وعلى حظي الكعب ما كان عندو زبائن عشان كده يمكن حكاية بتاعت 34دقيقه وهو بتكاسل وبمعطني بالكلام الما بحبو حق العوارة داك !!.والله لو ما البسكويت متوفر عندو م كنت انتظرتو ولا حبه بس باقي البقالات بعاد مننا وانا ما عندي قدرة امش وخلاص عيني طلعت وزهجني زهج شديد وما باقي لي الا اترجاهو يديني ويخارجني في الآخير لمن زهجت وفاض بي وجاب آخري قلت ليهو خلاص خليتو البسكويت حأمش قام مده لي البسكويت بعد تردد مديت يدي عشان اشيلو قام مسك إيدي اتخيلو بس اي والله نهارآ جهارآ في صباح رمضان! هذا زمانك يا مهازل فمرحي يعني حاجة زاتو تحير البني آدم قبل م ارفع يدي أكفتو في زول قام بالمهمه واداهو كف ظابت لغاية بيسمع ليهو صدي! كيفني كيف بغض النظر عن الزول ده منو لكن صحي ده منو الكفتو الكف ده

Free reading for new users

Scan code to download app

App Store Google Play

Facebookexpand_more