الفصل التاسع

3837 Words

...حبيبتي جهزتي ولا لسه اي جهزت خلاص جايه كنت جمب المرايه وانا بخت آخر لمسات المكياج لاحظت لأنبهار شاهين وهو بسألني لو جهزت ولا لسه كان واقف ساكت والدهشة غالباهو وهو بعاين لي باعجاب لبست فستان بأكفاف طويله لغاية المعصم باللون الرصاصي لوني المفضل الياقة فرنسيه مع طرحه بدرة سوداء بورود رماديه شعري كنت مسرحاهو ضنب حصان ورافعاهو فوق وعيوني مغطيه بالخصل . قلت ليهو خلاص ممكن نمش. كان ساكت وبعاين لي ساي قلت ليهو حتقهي فيني كده لمتين يا ابو زينة ههه قال لي لأنك بتهبلي انا محظوظ جداً لانو انتي زوجتي طلع علبة من بدلتو وفتحها لي كان فيها سلسل رفيع نهايتو فيها صرة (صرة بضم الصاد زي البربطو بيها القطع النقديه في مسلسلات الكارتون ..حجمها صغير كده ) من الماس عجيييب ورهيييب عيونى رقرقو بالدموع قال لى هشششش ما تخربى مكياجك ياخ اعتبرى ده عربون اعتذار عن الشي الحصل مني في الإيامات الأخيرة د*ك و وعد مني ليك انو ما تتكرر الحكاية دي تاني نهائي ابتسمت وطلعت العقد الكنت لابساهو رفعت شعري ولبسني السلسل الجابو لي وما محتاج اكلمكم طلع فينى كيف رهيب والله العظيم. بعدها مد لي يدو و وقت ختيت يدي في إيدو باسها لي بطريقة كلاسيكيه خلتني أحس اني دوقة عايشه في مجتمع بريطاني بحت من العصور القديمه شاهين كان لابس بدلة باللون الآوف وايت وخاتي منديل احمر في جيب البدله ومع هيبتو ووقارو كان في قمة الأناقة. نزلنا تحت وكل الحضور التفتو لينا ونحن نازلين من السلم وباشرو علينا بالجد كنا لايقين على بعض شديد شاهين عمل صفقة مع شركة سيارات كبيرة ماليزية والاحتفال كان في البيت وكان بضم حشد من الطبقات ذات المستوى العالي والمكانة المرموقة الرفيعه الكل ابدو نظرات اعجاب ما اخفوها من عيونهم . بالذات علي الماسه الكنت لابساها كنت متأبطه زراعه وفي وشى ابتسامة وديعة وما عارفه نفسي هل انا فعلا مبسوطة ولا بدعي الانبساطة. وهو المفترض ما احتار في سؤال زي ده لانو اي واحدة مكاني كانت حتكون طايرة من الفرح.. متزوجة ملياردير وبيتها جميل ولابسة ماسة غاليه اكتر من كده عايزه شنو سلمنا عليهم ورحبنا بيهم ونحن واقفين جا يمان سلم علي شاهين وباس يدي وقال لي منورة يا مدام شاهين ما رديت ليهو وبس اكتفيت بأبتسامه شاهين كان ساكت وما قال شي والكلام ده خلى جسمي كلو يقشعر ما عارفهَ لشنو بس كانو عبارة دق ناقوس الخطر بتتنفذ حرفياً قدامي العزومة كانت مص*ر ضيق بالنسبه لي والحمل كان متعبني .شديد وكنت بس عايزه القى لي سرير انبطح فيهو والزاد الطين بله انو يمان وشاهين مارسو على اقسي انواع الضغط والمراقبه وخلاص فاض بي عديل كده والله والمشكله انو الضيوف في بيتي وماف طريقه اطلع اخليهم حتكون حركة بايخه مني ولوهلة اكتشفت انو العرس وتكوين أسرة ده مسؤلية كبيرة انا والله لا قدرها لا بستحملها ولا بقدر عليها وندمت زاتو على اليوم الخلاني اوافق اعرس. يمكن لانو كنت شايفه العرس جيهة حنة ودخان ولبس تياب وكشكشة دهب ليس الا لكن شكلي كنت غلطانه والله كنت قاعده مع زوجات زملاء شاهين بتونس معاهم حبه وبطش شبكه حبتين لانو اصلا كونك تتوتس مع زول ماف بيناتكم اي سابق معرفة دي حاجة صعبة شديد. شاهين وقت لاحظ على الأرهاق والضيق قال لي اطلع ارتاح لأني حامل وكده م كضبت طوالي استئذنت من الضيوف وطلعت فوق حاولت افك السلسل من ورا لكن ما قدرت فجأة حسيت بزول وراي قال لي عاوزه مساعده لكن السلسل رهييب تصدقى انو وقت عزلو انا كنت واقف معاو! وعزلتو معاو.. يعني زوقي اتخيلي بس التفت لقيتو يمان ما اتفاجات والله لانو اصلا هو زول متهور وما بخاف كلو كلو -يمان انت بتعمل هنا شنو انت جنيت ولا شنو يمان : جوري انا ما قادر اتحمل قلت ليك انت ما بتفهمي ياخ لمن يلمسك انا بغلى من جوه ياخ حسي فيني عليك الله -عليييك الله أطلع ! أطلع قبل ما يجى شاهين انا ما عايزه مشاكل حقتلنا انا وانت والله -جوري انا ما طالع وما حأطلع إلا بعد اسمع من خشمك الشي الأنا عايزو وخلي يحصل العايز يحصل اصلا ما فارقه معاي انا -يمان خلينا نتفاهم بس ما هنا دي غرفة نومي لاحظ. ارجوك ما تختني في موقف محرج زي ده -قلت ليك ما حأطلع الا لمن اعرف ده ولد منو !وانتي بتحبيني ولا لأ !يا تجاوبي يا حاقعد هنا لمن شاهين يجي واليحصل يحصل ما مهتم -يمان بترجاك اطلع لاحول ولا قوة الا بالله العلي العظيم يارب لطفك يارب يمان انت ناوي تجلطني صاح ولا كأني بتكلم ومشى رقد في السرير وخلاني واقفه مشدوهة واقفه بعاين ليهو يعني اتخيلو موقفي لو زول جا داخل وشاف المنظر ده انا حامش ورا الشمس والله يمان : كلمتك واحد فينا حيموت وشكلو الكلام ده الليله وعندي احساس كبير انو الواحد ده انا اي ولدك ياخ ولدك انت يا يمان خلاص ارتحت؟ يلا اطلع من هنا انا بترجاك ياخ ما تعمل لينا مصيبة وانتى بتحبيني ولا لأ يمان ده ما وقتو من فضلك وارجوك اطلع من هنا جوري سألتك سؤال وبتمنى انك تجاوبي عليهو لانو لو ما جاوبتي الجواب الانا عايز اسمعو انا لا طالع من هنا لا حاجة قلت ليهو بحبك والله العظيم بحبك بس قوم اطلع من هنا الله يرضى عليك يا يمان اطلع قبل زول يجي يشوفك وقبل ما اقفل خشمي مقبض الباب بدأ يلف والباب اتفتح. تفتكرو منو ؟ ما عارفه انا والله ** المعادله الاصعب في الحياة دي عبارة عن اتنين بحبو بعض وتفرقهم الظروف اياً كانت. يفرقهم القدر لمن يرسل ليهم بشر ما عندهم اي ذنب غير انهم كمان بحبو بس بحبو حب من طرف واحد ! الحب من طرف واحد من اكعب انواع الحب اي الحب عندو انواع استغربتو ليي حب من طرفين. حب من طرف واحد. حب من تلاته اطراف او متعدد الأطراف وده صعب جداً. في حب حقيقي وفي حب كاذب وفي حب مصلحة موقت وحب مستمر في حب امتلاك وفي حب سادي وازيدكم من الشعر بيت اي كان النوع البتحبو بندرج تحت انواع الحب. حارة لمن تحب زول وما يبادلك الشعور لكن برضو ما زي تحب زول ويمثل انو ببادلك نفس الشعور وبعد ده ي**نك ! لا ومع منو مع أقرب زول ليك #اللهم_قوة مدام ..جيت اشوف اذا عاوز حاجه عشان سيد قال انت عيان لالا ما عايزه شي يا تنوير كتر خيرك امشى شوفى شغلك عصير اكل قهوة ممكن اجيب ليك لا عايزة انوم بس.. امشي انتي حاضر مدام قفلت الباب وانا بتنفس الصعداء بصعوبه يمان وقف قدامي وقال لي البحب ما بخاف يا جوري ليي انتي خايفه كده؟ عادي ممكن اموت بسببك وانا راضي لكن ما بخليك لزول غيري فاهمة؟ قلت ليهو انت متهور في فرق كبير بين الحب والتهور قال لي انا مستعد انزل تحت اسي واقول للناس التحت دي كلها عن اي حاجه احكي ليهم من يوم قابلتك في بيت العرس وكيف حبيتك وكيف خطبتك اليوم داك لو ما كنت صدفة جيت ماري وسمعتك بتتكلمي مع امك بالتلفون وكلامك جذبني ما كنا كده حالياً يمكن ما كنا حنتلاقى ونحب بعض الحب ده كلو لو ما آلاء وحركتها كنا اسي متزوجين وعندنا اطفال بشبهوك في كل تفاصيلك.. كنا حنكون اسعد اتنين في الدنيا دي كلها ياجوري انتي حقتي انا وبس لو ما الظروف ما كنت حاخليك ولا لحظة.نفسي احكي للناس التحت دي عن الظروف المنعتنا من الزواج انا متأكد حيسلموكي لي في يدي واولهم شاهين. نفسي احكي ليهم ليلتنا اللفي اليخت يا جوري لانو دي اكتر حاجة حقيقيه حصلت لي خت يدو في بطني وقال : نفسي احكي ليهم عن بتنا #فرح او ولدنا #منيب دموعي نزلو وقلت ليهو : يمان بغض النظر عن اي شيء شاهين ما يستاهل كل ده انت صحبو وانا مرتو. كفاية اني ضعفت وخنتو انا استاهل الموت يا يمان . بالجد يا جماعه انا استاهل اموت باشنع طريقة ولانو المظاهر خداعه فصبا بي كعوبيتها دي كانت احسن مني وقدرت تحافظ على نفسها وعلى بيتها لكن انا شنو؟ من اقرب فرصة وانا خنت العهد.. خنت ثقة شاهين فيني وخنت ثقتي في نفسي زاتو. اكتشفت قدر شنو انا زولة رخيصه تستاهل اي حاجة تحصل ليها يمان خت يدو في خشمي وقال لي هششششش تبرى انتى من الموت يا غاليه صاح كلنا حنمش بس ما تقولي كده.. قشيت دموعي وقلت ليهو خلاص انزل عليك الله. باس يدي وقال لي خلي بالك من نفسك ومن ولدنا يلا عديله # شاهين جاتو سفره يومين القاهرةعشان كده قال لي امشي البيت وبكده بكون مطمن علي أكتر وصلنا عم صالح الجنايني بعد وصلنا كان محمد سيد البقاله قاعد بره ومن شافنا طوالي دخل بقالتو وقفل الباب استغربت من تصرفو بس ما اشتغلت بالموضوع كتير لانو الفيني مكفيني.. لكن زي ما بقولو يالسخرية القدر لو كنت انتبهت شويه كده كنت فهمت انو انا في دوامة كبيرة وفعلاً دق ناقوس الخطر. اتاني يوم سقت زينة ومشينا نجيب اندومي لأنو أشتهيتها فمشينا دكان محمد زاتو سلمت على محمد رد لي بكل رسميه ما بتشبهو نهائي متفادي كل عبارات الغزل الكان بمطرني بيها لكن انا ختيت انوعشان انا اتزوجت فهو خلاص قطع العشم ادانى الاندومى حاسبتو و قبل ما أطلع قال لي يا أختي : انتي الزول الأمس جابك ده منو! زوجك ؟ بغض النظر عن اختي دي ضحكت وقلت ليهو ده عم صالح الجنايني حقنا راجل طيب بشكل قال لي طيب ! قلت ليهو اااي عندك شك !...قال لي ااااا ابدا لالالالا ما عندي اي شك عداهو العيب ياخ طيب في شنو وبتسأل ليي ! لالا ماف حاجه حلاته بتكم ربنا يخليها ليكم. تسلم يا محمد. ولو كان محمد ما خايف وحكي لي كان ممكن أنقذ نفسي بأي شكل من الأشكال لكن كانو القدر زاتو كان واقف ضدي فبالتالي انا غلطي كبير لا يحتسب وكل الحاجات كانت ضدي رجعت البيت وانا بتسائل ياربي في شنو ! ولييي محمد سأل من عم صالح ! تاني قلت لي نفسي بكون شمارات ساي اصلا الرجال بقو جنهم شمارات ومحمد ده سيد الشمارات كلها ما عارفة لكن قاعده زهجانه كده قلت كدي اقوم امش على ناس آلاء. نفسي اشوفها والله بعد الحصل ليها يوم عقدها. الحصل انو زي ما حكو لي على لسان صبا يوم عقد آلاء على يمان ولا يمان على آلاء م عارفه المهم في الجامع يمان قال بأعلى صوت عندو انو ما عايز العروس. فآلاء جاتها صدمة عنيفة جداً وقربت تجن والله وده كان جزء بسيط من الانا حسيت بيهو لمن عملت عملتها فيني انا. طبعاً ما كانت عارفه السبب الخلا يمان يخليها لانو انا كنت متزوجة فكانت اسبابو مجهولة لكن انا برانا الكنا عارفين السبب. لبست احسن لبس عندي ولبست دهبي كلو وقشرت لي زينة والله يا جماعه ده ما اسلوبي لكن كنت حابه ارجع كرامتي ليس الا. ركبنا لينا ركشة ومشينا.. دقيت الباب جات شافعه فتحت لي قلتها ليها آلاء قاعده قالت لي اااي دخلت سلمت قال لي اتفضلي امها جات مارقه لمن اتهجمت وقت شافتني سلمت عليها وقالدتها فضلتني جوه قعدت يمكن نص ساعه حتى آلاء جاتني والخجل كاتلا وباين عليها انها ممغوصه. والله انا ضقت الاحساس ده حار يا جماعه قعدت اتونست معاها فكانت بترد حسب السؤال. لمن زهجت قلت ليها انا بستائذنك قالت لي جوري. انا عايزة اعتذر منك يا جوري وقعدت تبكي جيت حضنتها وقلت ليها خير يا آلاء مالك طبعا عملت روحي رايحه عديل. قعدت حكت لي من وقت عملت مكيدتها وفرقت بيناتنا انا ويمان. وانو هي الرسلت لي الرساله يوم كان جاي يتقدم لي داك حقيقي قلبي قرب يقيف معقولة الصحبة تعمل كده! قالت لي اعفي لي يا جوري قلت في نفسي انتي عارفه بعملتك دي دمرتي نفسك ودمرتي يمان ودمرتيني ودمرتي شاهين. بسبب حركتك دي انا غلطته مع يمان يعني لو ما عملتي كده كان اسي حكون متزوجة يمان. كان هو الحيجي اليوم داك يسوقني من صف البنزين. ما كنت حلاقي شاهين ولا كنت حامش معاهو المستشفي. ما كنت حاعرف زينة ولا كنت حاعتلق بيها سألت نفسي سؤال يمكن شاهين براو الكان عارف جوابو. اليوم داك تاني يوم من حادث زينة لو انا ما مشيت المستشفى عشان ازورها هل كان شاهين حيوطذَد علاقتو بي؟ هل انا عجبتو لدرجة انو يفتش عني؟ ولا عشان جيت زرتهم في المستشفي؟ ياربي لو ما كان لاقيت يمان هناك هل كان في امل انو يرجع لي؟ وهل يمان عمل ده كلو عشان فعلا هو بحبني ولا مركب مكنة الشافع الكره لعبتو لكن لمن شاف طفل تاني شالها بقت ليهو حلوة؟ اسئلة كتيرة شغلت بالي وما لقيت ليها أجوبة نهائي.. بعد تلاته يوم كده جاني اتصال من منى زي العصريه كده اتونست معاها كداااا لغاية صبا جات قعدت تأشر لى بسببها اضطريت اقفل المكالمه بالله عامله زي (ميسر ) مرت لمعى من مسلسل فاطمه قالت لي ان شاء الله جبتي الكرت حقك ؟ قلت ليها كرت شنويا صبا ضحكت على هبالتي وقالت لي برلومة في الحمل كرت الدكتور بكره عندك مقابله ولا نسيتي اتذكرت موضوع المقابله نسيتو تماما ودي بادرة كويسة من صبا انها تتذكر موعد مهم زي ده بخصني.. اتذكرت انو الكرت في البيت قلت ا**ر حنكها وامشي الشهر الجاي لكن بعد كم دقيقه كده يمان اتصل علي وقال إلا يمش معاي بكرة ان شاء الله لو من بعيد لبعيد عشان كده اتهربت من زينة وركبت لي أقرب ركشه وانا في الطريق خطرت لي حاجة فقمت اتصلت بخالد اخوي قلت ليهو بموضوع الحساب الفتحتو باسم ولدو في البنك وكلمتو بمكان البطاقة ما عارفة عملت كده لشنو بس حسيت اني كده مطمنة. وبالرغم من الجوطة الجاطها فيني وقال لي بعدين لمن اجي بنتكلم قلبي انقبض قووي وقلت ليهو بحبك يا خالد.. قفلت منو وكنا قربنا على البيت وكانت في رغبة قويه بتقول لي ا**ري حنك الكرت وارجعي مع سيد الركشة بس اتجاهلت الرغبه دي نزلت حاسبتو ومشيت البيت استغربت وقت شفت غرفة عم صالح مقفوله بطبله قلت يمكن مشى يزور أهلو دخلت جوه البيت وكان موحش بشكل جسمي برد ما عارفه من شنو وجاتني خوفه كده بس واصلت دخلت غرفتي وفتحت دولابي قلبتو قلب بس ما لقيتو وتنوير ماف طبعا اتذكرت انو الورق كان مع شاهين آخر مرة عشان كده دخلت مكتبو . فتشت الدرج الاول ما لقيت حاجة فتحت التاني برضو ماف لكن لاقاني ظرف كده ما عارفه ليي اتناولتو وفتحتو واتفاجأته بالشفتو اولآ لقيت لي كم صورة والظاهر انو التقطوها من بعيد تاني لقيت لي ورق كده فتحتو لقيت معاملات تجارية حقت بيع وشراء وكده فتحت تاني ورقه لقيتها ورقة تبني ! التاريخ كان 3/5/2012 يعني قبل 7سنه كده قلعت عيوني لمن شفت اسم زينة ! الكلام ده بيعني حاجة واحدة بس.. معقولة لكن! فجأة حسيت بحركة برة المكتب قمت دخلت الورق سرعة سرعة وادسيت ورا الباب الباب اتفتح وعم صالح جا خاشي عاين كدااا وطلع . استغربت جا من وين وانا شفت باب غرفتو الجمب البوابة مقفول بطبله؟ في حاجه غريبه بتحصل وانا ما فاهماها. طلعت من المكتب بالراحه وقفلت الباب وقبل ما التفت سمعت : مدام جوري الجابك هنا شنو ! ارتبكت وقت شفت عم صالح واقف وفي وشو ابتسامة خلت شعر جسمي كلو يقوم حاولت ارجح كفة الميزان عشان كده قلت ليهو بكل ثقه : دا بيتي ومن الطبيعي اكون هنا عم صالح : انا آسف مدام بس استغربت وفكرتك حرامي ضحكت وقلت ليهو كايسه الكرت حق الدكتور بكره عندي مقابله. قال لي الكرت قاعد في المكتب ما شفتيهو؟ قلت ليهو لالا ما شفتو قال لي بتلقيهو في الخزنة معناها رقمها السري 34 قلت ليهو هو حيالله كرت خاتنو في خزنة ليي قال لي لانو الكرت غالي آخيييرا السيد حيجيهو ولد. ما فهمت كلامو وقبل ما افتح خشمي حسيت بوخذه في رقبتي كأنها عضة نمله بعدها حسيت بدوخه وفقدت الوعي. #كتمت تابعو الآخيرة من صف البنزين بعد تقيفو في الصف? توقعاتكم شنو شباب؟؟؟؟ شاركوني افكاركم البنزين البينزولBenzene هو سائل عديم اللون،قابل للاشتعال، ، تركيبته الكيميائية )C6H6( ولذلك يكوّن حلقة سداسية . الحلقة السداسية للبنزين هي أبسط جزيء في الكيمياء العضوي العطرية لذالك يمتاذ بأنه ذو رائحه قوية ونفاذه حبيت ابتدئ بالمداخله دي عشان حاجتين ..اولا عشان معنى اسم الروايه وتانيا عشان الرائحه النفاذه دي هي الخلتني استعيد وعيي من آخر لحظة فقدتو فيها . فتحت عيوني #ببطء سقف من الزنكي الامريكي القديم فيهو فتحات بتسمح لأشعة الشمس بالعبوور عاينت لنفسي لقيتني مبلوله بلل كامل !ومربوطه بحبل في كرسي ! جوري صحيتي حبيبتي انا كان ده صوت يمان :وين انت وانا وييين ! انا مربوط وراك انا كمان قبل شويه وعيت لقيتك وراي ومن جبيل بنادي فيك وما صحيتي لي ! -الحاصل شنو يا يمان ونحن وين عايني بالاتجاه التاني. التفتت وهالني ما رأيت جمبنا طوالي كان في صف فيهو 34عربية كأنهم منتظرين دورهم في صف البنزين! يمان : شكلو نحن اتكشفنا يا جوري شكلو كده والله اعلم سمعنا الاتنين صوت تصفيق وفجأة باب واحده من السيارات اتفتح وطلع منو #شاهين وطلع وراه عم صالح ! شاهين : برافو يا يمان برافووو برافو يا يدي اليمين وصاحبي برافو يا أبو ولدي ويا عشيق زوجتي برافو يمان : زوجتك دي حبيبتي وانت عارف كده كويس ! جوري كانت خطيبتي وكانت حتكون مرتي لو ما. شاهين : لو ما الحادث صاح!؟ الله مرقك من الحادث مفترض (البهم) الأنا رسلتهم يتأكدو انك سلمت الروح حتى بعدين يتحركو. قلت ليهو وانا ببكي : شاهين حلفتك عشان زينة . قاطعني طوالي : زينة ما بتي اولا واظن انك عرفتي المعلومة دي وأزيدك من الشعر بيت انا ما بنجب انا عقيييييم وقصة حملك دي هي الخلتني اتأكد من كذبك وخيانتك لي اتزوجت وتميت حكاية بتاعت 15سنه ما ولدت انا وزوجتي زينة السميت شركة السيارات عليها عملنا إجراءات تبني واتبنينا بت سمتها زوجتي زاتها بنفس الأسم لكن شائت الأقدار انها تتوفى بسبب مرض السرطان اتوفت وخلت لي زينة الاكتشفت بعد ما تمت 3سنوات انها خرصاء يعني لا خرصت بصدمة ولا. زوجتي قتلها حرامي. معليش كذبت عليك لكن ما انا براي الكنت بكذب في العلاقة دي ولا شنو يا صالح صالح ابتسم وقال اكيد جا قرب علي وقال : من زوجتى ماتت وقلبي ما دق لي أنثي إلا بعد شفتك وانا في صف البنزين من لمحتك قلبي دق وطوالي اتحركت عليكم انتى وصحبتك كنت دايما معاك ومراغبك واظن شفتي الصور صح يوم الخطوبة كنت عارف ويوم محمد اتحرش بيك ويمان اتدخل كنت شايف وعارف والشرطه القبضتو كنت انا وراها يوم يمان جاك الغرفه كنت عارف. الود النضف ليكم اليخت انا الطلبت منو يصوركم لي من بعيد. كنت عارف اي حاجه وكمان أضيفى لمعلوماتك الحساب اللفي الفيس (أمير مدريد ) حقي يعنى طول الوقت كنت راصد كل تحركاتك وعارف عنك أي حاجه ! - ب ب بس انت ما اتعاملت معاي علي اساس انك عارف ! وطيب وقت كنت عارف بكل ده ليي ما واجهتني ليي خليتني أستمر في اللعبه دي عم صالح : شاهين . انور .امجد نفس الشخصيه طبعا . عاينت لعم صالح بأستغراب قال لي امجد وانور اخوان ايتام امهم اتوفت بحادث وخلتهم لي راجلها الكان بعاملهم بقسوة لغاية امجد اضطر انو يضرب راجل امو ويهربو منو. الحمد لله الراجل ما جاتو حاجه لكن أستولى علي البيت واملاكو وخلاهم يتشردو في الشوارع امجد اشتغل ولأنو كان زكى قدر يكون شغل من كرتونة مناديل وفي غضون 25سنه بقى صاحب شركة سيارات عم صالح سكت وعاين لي شاهين شاهين قال والحزن باين علي وشو : كنت زول طايش لدرجه ! بسببي عملنا حادث انا وامجد وامجد اتحرق في العربيه وانا كمان اتحرقت وانتي شفتي الحروق اللفي جسمي كانت بسبب الحادث يا جوري عم صالح : الضرر النفسي الاتعرض ليهو شاهين كان أكبر من الجسدي وبقى عايش شخصيتين في جسم واحد امجد..وانور ولأنو شخصية انور طايشه وما بتعرف تعتني بروحها .كانت هي الحامياك وامجد طول الوقت كان ببحت وراك لغاية خلاص اتكشف المستور. شاهين : حبيتك والله اكتر من نفسي وروحي حبيتك ياجوري كنت مستعد اد*ك روحي ليي طعنتيني كده فجأة عم الصمت يمان كان ساكت وهم سكتو حسيت بقشعريرة مرت علي جسمي كلوو واطرافي بردو كأني في تلاجه...( تماما كالشعور الشعرو إيكموفنا وهو في الغابه قبل ما يموت علي يد أكونكو ) -قلت ليهو : عقابنا شنو ! رفع راسو عاين لي بيأس قال : انا حبيتك يا جوري لي جازيتني كده انتي عارفه لو ما عملتي عملتك دي كنا حنعيش انا وانتي وزينة بأمن وآمان قلت ليهو ودموعي بتنقط بعد عملت عملتي دي !جزاي حيكون شنووو ! قال لي تفتكري جزاك حيكون شنو؟ قلت ليهو ما عارفه لكن اظن الموت حيكون مصيري ابتسم وعاين لي يمان قال ليهو حبيبتك شاطرة يمان هاج وكان بتحرك بمحاوله يائسه انو الحبل يتفك قال ليهو : فك جوري خليها تمش لو ما عشانا عشان الطفل اللفي بطنها اكيد انت ما حتقتل روح بريئة بعدين هي ما عندها اي ذنب انا الاغويتها واغريتها اليوم داك ! انت عارف الأنثي ضعيفه شاهين صرخ في وشو : غلط ! غلط غلط غلط منو الختي ليكم فهم انو الأنثى ضعيفه!! الانثي اقوي مخلوق في الدنيا دي بتتحكم بالراجل وبتحركو كأنو لعبه بين يديها يمان : ما تنسى انو الانثي هي الجابتك اتذكر امك كان.... قاطعو : ما تجيب سيرتها علي لسانك اوعك يا يمان اوعك ! جرى علي واحده من العربات وجاب جالون حق بنزين وتاني غرقنا بيهو .قال لي عاينى ..34عربيه فداك انتى والخاين ده قلت ليهو وعلى وشي ابتسامة : ما قصرت يا أبو زينة.. طبعا اتغاظ غيظ ! صبه من الجالون وزح مننا مسافة كم كيلو كده يعني عمل خط بالبنزين بعدها رجع تاني وفكانى قال لي تشوفيهو بتحرق براهو افضل من تتحرقي معاو جراني و وقفني معاو قدر ما حلفتو يفك يمان بس رفض ..قلت لي عم صالح يفكو بس هز لي راسو بأسف ! يمان كان بعاين لي وهو مبتسم قال لي سميهو منيب عارف حيجي ولد واوعه تخليهو يطلع صايع ! ادبيهو زي ما أدبتي ابوهو فاهمه ! شاهين عليييك الله فكو يا شاهين !" فكو يا شاهييين بترجاك لا بوعدك ما اشوفو تاني وحارجع ليك حنعيش حياة سعيدة انا وانت زينة ياارب ساعدو يااارب ! بس ولا كأني بتكلم وشخط الكبريت ورماها ! اتفكيت منو وجريت سابقت النار . وانا جارية اتذكرت حاجه قمت ضحكت كنت جاريه وبضحك ودموعي في عيوني طبعا شاهين وعم صالح حتى يمان استغرب .وصلتو وقعدت في رجلو قال لي ليي ياجوري ! قلت ليهو ما عايزه أربي ولدي براي قال لي ولدك ؟ ضحكت وقلت ليهو ولدنا قال لي فهمنا ده كلو بتضحكي ليي وانتي جاريه زول عايز يموت بضحك ! قلت ليهو ده سر.. عاين كده وقال : الشي دي قربت عاينت والنار كانت خلاص جات حضنتو قووووي وهو خت يدو في بطني. وا.... ###### بعد ١٥سنه اميي !! انا طالعه امشى كلمي ابوك طيب انا بتكلم بالتلفون. دخلت لي ابوها الكان مسهى كالعاده وبنظر إلى اللا شئ باستو في راسو وقالت ليهو انا طالعه بعد ده قال ليها بعد اتفحص منظرها كويس : جوري..اوعك تركبي مع زول غريب !! فاهمه يا بتي !! عيونها دمعت وباستو في يدو..قالت ليهو ما تخاف علي..بس انت احفظني بدعواتك طلعت وهي ماسكه نفسها غصب .. مرت 15 سنه من اختفت عمتو..وانت ما قادر تنسى ! ربنا يكون في عونك يا ابووي ! امها نادتها : تعالي جود عاوزك في التلفون ! اتكلمت مع اخوها كداا وكعادتو فرق عليها ..قالت ليهو ناوي تجي متين من اسبانيا !!! السودان بدونك مر ياخي ! قال ليها عيد الأضحي لو ما موتنا حأكون بكابس معاك في شية الجمرضحكها كالعاده وقفل منها . طلعت ومشت علي الظلط في نفس اللحظة وفي واحد من الصفوف كانت نظارة راجل ستيني بتتفحص الماره أ أ أبوي س س سبحان الله ع ع عاين هناك ! وقت عاين طلع نظارتو وجحظت عيونو. ل ل لو م م ما دي قصيرة و و وصحتها كويسه و و صغيرة ك كان ق ق قلت دي ماما جوري ! الراجل اتحرك من الصف وما وقف إلا قدام البت..نزل النظارة حقتو وعاين ليها صرت وشها وعاوزه تزح من العربيه بس قال ليها : م تخافي معاي بتي .ارح اوصلك في طريقنا اطمنت وركبت معاهم .حتي بتو نزلت وركبت معاها ورا.. وياللصدف طلعو بقرو في نفس الكليه هندسه نوويه القضارف. الراجل سألها اسمك منو يا بتي ؟ قالت ليهو جمان.جمان خالد. ابتسم وقال ليها دي اختك زينة وانا عمك شاهين.. بعدها اتحركت السنتافي الحمراء تشق طريقها ظلط الشعبي. ****** #ماتركبو_مع_الغرباء! اوعاكم...اوعه تركبو مع زول غريب حتى لو كنتو اتنين..او الزول الغريب معاهو بت ما تركبو حتى لو كانت البت بتو ! .. .اوعه ترتبطو بزول انتو ما بتحبوهو اوعه اوعه من الخيانه ! اياكم أخر حاجه..تفتكرو جوري #المرحومة وهي جاريه وبتضحك بتضحك ليي ؟ الذاكرتهم قويه حيتذكرو مكالمتها مع منى صحبتها اتذكروو.

Free reading for new users

Scan code to download app

App Store Google Play

Facebookexpand_more