الفصل الثامن

4331 Words

سابقا يا امجد يا امجد امجد كان في سابع نومة لمن سمع أصحابو بنادوهو قلبو دقة وجاتو خوفة كده وقال : اللهم اجعلو خير ياربي منو البناديني؟ اخوهو زاتو صحى من صوت المناداة ورفع راسو سأل اخو امجد في شنو !؟ ماف حاجه انت كمل نومك تمام قال ليهو كويس أمجد قام لبس نعلاتو ووقت قام مشى علي الباب سمع كلام صحبو متوكل وهو بقول لي محمد : اها نكلمو ولا الحنك شنو انا غايتو ما بقدر اكلمو كلمو انت محمد : ماف خيار لاازم نكلمو.. طيب انا حاقول ليهو ما تشيل هم انت امجد زادت ضربات قلبو وزادت كذلك تساؤلاتو ياربي صحبانو عاوزين يقولو ليهو شنو لغاية بترددو كده ! وقبل ما يفتح الباب جاهو الجواب المر محمد : لكن سيد الامجاد ود كب يدقشها ويجري كيف يعني اسي لو كان حاول ينقذها ما كنا حنفقدها امجد بمجرد سماعو الكلمه دي فتح الباب وهو بقول : امي ! امييي وييييين وحصل ليها شنو اتكلمو متوكل قال ليهو صلى على النبي.. امك ضربها واحد ود كب بتاع امجاد وجرى ما قدرنا نلحقو والشارع فاضي ما لقينا ركشة يمكن الا بعد34 دقيقه من الحادث امي وين يا متوكل وحالتها كيف في ياتو مستشفى هي ارح ودوني ليها متوكل سكت ساي محمد قال ليهو للأسف الحجة سلمت الروح قبل نصل المستشفى #الحاضر امييي امييييي وييين انتي يا اميييي سيد امجد اصحي انت بتحلم ! سيد امجد اصحي صحى مفزوع وكان متعرق لدرجة كبيرة يدو اليمين وخادمو المطيع مد ليهو كباية مويه شرب جغمه واحده بعدها اداهو حبه بلعها وهو برجف وشفايفو برجفو شرب المويه بطريقة هزليه لغاية نزلت من شفايفو. الخال مسح ليهو أثار المويه من شفايفو وهدمو وقال ليهو : هانت. بس انت اصبر حتتخلص من الكوابيس دي كلها ان شاء الله قام بتثاقل وشال الجكت بتاعو من الكرسي قال ليهو انا طالع عندي مشوار الخال: والاجتماع ! حرك ليهو يدو لزوم أجلو وكده الخال هز راسو وقال في نفسو : ربنا يعينك يا سيد أمجد # اتصلت علي رقم يمان بعد تردد وقت رديت في صوت قال لي الو جوري! ما عرفت اعمل شنو ولا اقول شنو لانو ده كان صوت شاهين قلت ليهو شاهين -قال لي اي انا زاتي جيت ازور يمان وساقوهو لصورة اشعة وخلى التلفون معاي فجأه جاني اتصال منك طبعا عن كمية الخوف الأنا شعرت بيها ما بقدر أوصفها ياخ موقف هو ما بتمناهو لي عدوي خلي انا ما عرفت اقول شنو والله عشان كده اخترت الصمت لانو الصمت حل لجميع المشاكل لكن الحمد لله جاني كلامو زي البسلم وهو بقول : اعذريني مفترض انا اتصل واد*ك ليهو قلت ليهو لالالا عادي انا قلت اشوفو بقي كيف لانك قلت لي حادثو خطير كده.. هو اسي كيف صحتو قال لي - اي والله..هو زاتو ما بقدر يتكلم حاليا لكن حاكلمو انك اتصلتي عشان ما يلومك باقي زول لوام خلاص ضحكت وقلت ليهو اها انت جايى متين ! قال لي المساء بأذن الله سلمي لي علي زينة. قفلت منو وانا قلبي بدق زي الطبله ! بالجد كده طلعت من موقف ما بتمني يوم زول يتخت فيهو ده كلو كلو سبحان الله حبل الكضب بقولو قصير لكن ما زي حبلي ده والله هو الصراحة اتصالي ده عادي على فكرة لكن يمكن لأني غلطت مع يمان انطبق لي المثل : اللفي راسو بطحة بحسس عليهاا والله أعلم مرت الايام بسراع ويمان طلع من المستشفي وجا اليوم الكنت حأشوفو فيهو بالجد كنت مشتاقة ليهو شديد طلعنا انا وشاهين وزنوش عشان نزورو شلنا باقة ورد وكان ورد الجوري انا اخترتو بنفسي وعلبة شوكولاته راقيه كده امو رحبت بينا شديييد ولاحظت انها بتعض شفايفها ندم لأنها خسرتني وفي نفس اللحظة ما جابت سيرة لموضوعنا الزمان داك انا حمدت ربي كتير بس يا ترى حنفضل داسين الموضوع ده لمتيييين ماهو عاجلاً غير آجل شاهين حيعرف وحيعرف بعملتي. وصبا حتعرف بخيانتي لراجلي وحتشمت فيني لاني قبل اليوم بالسبب ده كنت حاخرب ليها بيتها واسب الآيه انقلبت وانا البقيت بحكم زانية انطبقت علي الآية يأمرون الناس بالبر وينسون انفسهم.. ربنا يغفر لي الغلطة العملتها في لحظة ضعف ممكن انها تغطس حجري لو الموضوع ده اتعرف انا حقيقي ما عارفه حاقبل وين ولا حأعمل شنو ولا حيحصل لي شنو شاهين جاهو اتصال من الشغل وهو طالع زينة اتشبكت فيهو خلانا انا و يمان و امو قاعدين كنا ساكتين وماف موضوع أصلآ امو بتوزع ابتسامات حقت مجامله وهو كان كل شوية بتمغس من الألم. الحاجات الحيرتني انها ما جابت سيرة علاقتي الأولى مع يمان وختيت احتمال كبير لانو هو بكون محذرها تجيب سيرة الموضوع ده ودي حاجة كويسة جداً لانو هي بليلة في خشمها ما بتتبله يمان قطع لحظة الصمت وقال لي امو : امي اشتهيت لي عصير انبسطت شديد لأنو هو شهيتو كانت صفر فقالت بفرح - طييييارة اسي ويكون عندك وقامت بالجري عشان تجيبو بعد طلعت قام بتثاقل وكان عاوز ينزل من السرير قمت لحقتو وقلت ليهو ما تتعب روحك تقوم ربنا يد*ك الصحه والعافيه ويقومك بالسلامة مسك يدي قوووي وقال لي وعيونو محمرة من الدموع : عافيتي بي يدك انتي وبس.. عاينت ليهو ووهو واصل :والله ما قادر ! مااااقادر يا جوري ما قادر حسي بي ياخ -يمان جوري اسمعيني انا بموت الف مره وانتي بعيده مني صاح انا واطي وما استاهل ضفرك لكن انا بحبك وما بقدر بدونك. كفاية انك بعيدة عني كمان تكوني مع غيري وقدامي دي حاجة صعبه اني اتحملها. اقعد طول الوقت ابتسم ليك وانا من جوة بغلي غليان ليي ياجوري تسمحي بكدة انتي دموعي نزلو كأنهم مطرر مسحهم لي وهو برجف قال لي : م م ما تبكي علييييك الله وتزيدي لي وجعي عليك الله يا جوري هنا ما قدرت استحمل وشلت شنطتي وطوالي طلعت سمعت بكا زينة واتجاهلت اي شئ ! طلعت بره الشارع وكنت بمسح دموعي سرعه سرعه شوية كده وشاهين حصلني كان شايل زينة وبعاين لي بإن**ااار يااا الله انا القاها من منو ولا من منو وليي النظرة دي بالذات كأنو كان فاهم انا عملت شنو وبحب منو فتح لي الباب واداني البت ركبت وجا ركب جمبي وكان ساكت وما نطق ولا بي حرف وده الذاد وجعي زيادة. ياربي انت عارف بشنو وساكت يا شاهين بطلو بكاء و اقيفو صف البنزين? امجد امي وين يا امجد مشت وين انا عايز امي -امي مشت فووق وفوق في منو يا امجد - فوق في ربنا وفي حتة سمحة بقولو ليها الجنه الجنه سمحه يا امجد -اي سمحه وملانه شجر فواكه يااا الله وديني ليها يا أمجد انا بحب الفواكه كتير… تاني عاين ليهو بان**ار لكن نحن ما عندنا قروش حندخل كيف الجنة بدون قروش.. اوعه تقول لي نتسلل تتذكر اخر مره مشينا المنتزه البوليس قبضنا ودقاك ما اظن بخلونا نخش الجنه قال ليهو الجنة دي ما بي قروش بلاش يا اخوي واي زول طيب ومسكين بدخل الجنة.. عاين لاتجاه غرفة راجل حسن امهم وقال طبعاً الا ا****ر ده ما حيمش الجنة مش يا امجد هههه اااي ان شاء الله ما حيمش -ييييييي (وسيلة للتعبير عن الفرح) حسن : يا ود يا امجد تعال هنا يا زفت في شنو يا حسن ! طوالي اداهو كف لغاية اضانو سالت دم ! قال ليهو بصوتو الخشن : شنو ! حسن انا ابوك تناديني كده انت ود ما محترم وما مؤ. سكت لمن حسه بي حجر في ضهرو التفت وشاف انور واقف . حسن : هههههههه يا قليل الادب يا يا (تم الحذف لأنها عبارات سيئة) امكم الغ*ية دي ما عرفت تربيكم كويس لكن انا الحاقوم بالمهمة دي عنها والله حتضوقو الويل وسواد الليب يا اولاد ال….. (تم الحذف) وطوالي حسن جرا علي انور وشلتو في الأرض واستمر بشلت فيهو لغاية فجأة قال ااااي ووقف وهو ماسك راسو وطوالي وقع على الأرض والدم سايل من راسو. امجد رمي الحديدة من يدو و مسك انور من يدو وبسرعة طلعو من البيت لكن ماشين وين وعلى وين ما معروف #الآن المساء كنت براي في البيت وزينة نايمه فجأة ساقني الحنين فدخلت غرفتي وقفلت الباب بالمفتاح شلت التلفون ودقيت علي رقمو لكن ما رد لي.. سبحان الله وكأنو آخر مرة ما زراني شاهين فما كنت ماشه بمبدأ المؤمن لا يلدغ من الجحر مرتين لكن هل انا مصنفه ضمن المؤمنين؟ الله اعلم دقيت تاني وماف رد قلت احتمال يكون نايم فمرت ساعه وما رجع.. واتنين برضو ما رجع لي لق بي شدييييييد وخلاص الفار لعب في عِبي قلت اكيد يمكن حاصله ليهو حاجه لانو يستحيل يشوف مكالمتي ما يرجع بي.. تاني اتصلت شوية كده ورد لي صوتو كان مجهد للغايه قال لي معلييش والله المكالمة دي فتحتها لي توتة (ترتيل اختو..) ما قدرت ارجع ليك ما فيني حيل اخيراً اطمنت شويه قلت ليهو -ما مشكله..انت امسيت كيف كويس الحمد لله...انتي كيف؟ -مشتاقه ليك ما عارفه قلتها كيف ما تسألوني يا جماعه لانو ماف زول حاسي بي.. يمان وقتها سكت.ة وانا كمان سكته جاني عذاب ضمير وقفلت الخط طوالي وقفلت التلفون وقعدت ابكي بس ببكي على شنو ما معروف ***لمن تحب صعب تنسى حتي لو نصك ظلمك اهانك حتى لو قتلك الحب يا جماعه آفة. الحب مرض ووباء لو انت اتصبت بيهو واطاتك اصبحت. عارفه جزء كبيييييير منكم بكون كرهني علي عمايلي دي لكن بحبو ولله العظيم بحبوو وما كان عندي خيار زينة كانت بتحضر في التلفزيون أشرت لي بأنها جاعت اديتها زبادي ومشيت المطبخ عشان اطبخ وانا في المطبخ شاهين جا زبتو جرت سلمت عليهو وجاني المطبخ قال لي تلفونك مالو مقفول !؟ قلت ليهو ختيتو في الشاحن ونسيت ما فتحتو.. كنت تتصل في تلفون البيت نسيت والله يا قلبي قلت ليهو خير ان شاء الله قال لي خير اي اتصلت عليك عشان اسألك لو محتاجه حاجه من السوق - لالا ما محتاجين حاجه سلامتك يا ابو زينة طوالي جا قرب علي عاوز يحضني زحيت منو سرعه وفتحت التلاجه وقلت ليهو : بيض.البيض انتهى نسيتو والله عاين لي بأستغراب وقال لي حاضر تكرم عينك طلع وساق بتو معاهو حسيت براحه عجيييبه والله بقيت ما بطيقو ما عارفة ليي # يمان. نعم حبي.. هل حيجي يوم ونفترق فيهو !؟ جوري لييي بتقولي كده انتي عاوزاني ازعل منك ولا شنو لالا ما كده حبيبي بس ده مجرد سؤال - جوري لا اله الا الله محمد رسول الله تاني لو عاوزاني ازعل منك قولي لي كلامات زي دي حبي ما تزعل مني -جوري هوي! ماش انوم انا ! يلا تصبحي علي خير # مرت الايام...كنت بتكلم مع يمان مرتين في اليوم الصبح والمساء حتى انو بقول لي حبة عند اللزوم بشوف حالو كيف و صحتو ماشه كيف فكنت زي الدواء ليهو الحمد لله لغاية نزل الشغل وجانا كم مره البيت بحكم انو شغال مع شاهين وكده انا كنت مبسوطة شديد لاني بشوفو عن قرب في يوم بعد اتعشينا قعدنا حضرنا فلم في ام بي ثي 3 مع زينة الفلم انتهى 9:34مساء وزينة نامت في يدي شالها مني وومشي قدامي وداها غرفتها وانا من دخلت الغرفه جري رقدت وعملت فيها نايمه شاهين جا ناداني بالراحه كده بس ما رديت وقف مسسسافه ومشى مكتبو م عارفه اتصرفت كده ليي بس حسيت اني ما طايقاهو بقيت بشمئز منو ومن لمسو لي والله اعلم وهكذا توالت الاحداث وكل مره كنت بتهرب من شاهين بقيت ما بحب انو يلمسني نهائي لانو كل ما يقرب علي بصدوو وحتى لما يقول لي كلام غزل ما كنت بتجاوب معاو وبختصرو هو كمان تقريبا حسه بكده فبقي ما بنوم في الغرفه معاي وبشغل نفسو في المكتب لي انصاص الليالي الوضع ده كان مؤلم بشكل كبير ليهو اما انا كنت مرتاحة شديد كانو لو منعت راجلي مني بكون اوفيت لي يمان حبيبي فشفتو الغلط الانا واقعه فيهو ده؟ مره قلت اشوفو نايم وله صاحي فتحت الباب بالرااحه لقيتو نايم على تربيزة مكتبو رجعت الغرفه جبت ملايه غطيتو وقبل ما ازح منو مسك يدي . عاينت لقيتو بعاين لي وعيونو حممر هو ما كان نايم كان مندقر ببكي قطع لي قلبي ياخ قال لي ياجوري انا زعلتك في حاجه لاسمح الله؟ م قدرت ارد..ياخ حسيت اني انسانه ظالمه بشكل وهو فعلل انا انسانه ظالمة ملصت يدي منو وطلعت من المكتب دخلت الغرفه وفجأة لقيتو لاحقني وصرخ في وشي : جووري ! احكي في شنو ! انتي لي بتنفري مني كده انا عملت ليك شنو قلت ليهو شاهين نتفاهم بكره في الموضوع اسي زينة نايمه حتصحي بأصواتنا وحتخاف خت يدو اليمين في اتجاه والشمال في التاني وانا كنت في النص كان ماسك نفسو بصعوبه والغضب مالي عيونو وضرب يدو في الحيطه لغاية اتهزت انا غمضت عيوني وبس دموعي جات نازله خفت منو شديد واتمنيت حاجة ترفعني توديني بيتنا في سريري الحبيب وسط حنان اخوي وضحكات اطفالو قال لي بهدوء : جوري انا ما عايز اخوفك كل العايزو انو تحكي لي انا عملت شنو زعلك مني قدر ده. من وقت جيتى من الخرطوم وانتى ما سمحتى لي أقرب منك ملاحظة للحاجة دي بالرغم من انو الموضوع ده بعذبني وانتي عارفه كده بس انا قلت اخليك علي راحتك ! في شنو يا جوري !حرام عليك الشي البتعملي فيهو ده ربنا زاتو ما قال كده سكت ما رديت وبس قعدت ابكي قال لي : وقسما بالله انا مستعد اموت روحي عشان انتي بس ترضي احكي لي انا غلطت في شنو عشان أصلح غلطي! ما عارفه طلعت كيف من خشمي بس قلت ليهو :غلطتك انك اتزوجتني صلحها و طلقني يا شاهين اقيفو في الصف انور...انت اسي عمرك كم وعشرين سنه ! وتصرفاتك كلها ما مسؤله عاين يا امجد انت صاح ربيتني وعلمتني بس ده ما بيعني انك تتحكم فيني وفي حياتي وفي اصحابي.. بقيت تكتم على نفسي ياخ عايز احس اني زول بقدر ياخد قرارتو بنفسو بدون ما انت تتدخل فيها اتحكم فيك يا ولد انا بتكلم كده عشان مصلحتك كيف يعني انا بتحكم فيك انور نفض منو يدو ومشي خلاهو بنادي فيهو يا انور انا بتكلم معاك #الحاضر شنو اطلقك؟؟ -ااي طلقني يا شاهين انا خلاص فاض بي وما قادرة استحمل. ما حاقدر اقدم حاجة للعلاقة دي عشان كده الطلاق افضل حل اطلقك ! جوري انتي فاهمه بتقولي في شنو كدي استغفري ربك وصلي ليك ركعتين بعدين نتكلم نفضت يدي منو ومشيت علي السرير طلعت الشنطه من تحتو ختيتها في السرير وفتحت دولابي وبديت انزل ملابسي في الشنطه انا بخت في الهدوم وهو برجعهم محلهم قلت ليهو شاهين لو سمحت خليني في حالي ياخ قفل باب الدولاب بقوة وعيونو كانت محمرة كأنها دم ! الصراحه خوفني خوفني شديييد ياخ لانو عمرو ما وراني وشو ده مسك يدي ولفاها لي بقوة وبقي اتجاه ضهري في حضنو همس في اضاني : طلوع من البيت ده ماف فاهمة و طلاق ما بطلقك ان انطبقت السما على الأرض ! واوعاك تاني تقولي الكلمه ياجوري انا بحذرك والا قسماً عظما حتشوفي وش تاني ما حيعجبك طلقني طلقني طلقني " طلقني يا شاهين انا ما عايزاك " افهم ياخ ! وقتها جن جنونو لزاني لغاية وقعت علي الأرض جراني من شعري وكنت ببكي قال لي : لقيتي زول غيري صاح ! ده منو يا جوري ده منو الكلب الحيوان ده وقسما اقتلك انتي وهو قدر ما حاولت ابعدو مني ما قدرتة حلفتو بي الله يرحمني بس كأني ما بتكلم معاهو حسيت كأنو ده ما شاهين كأنو زول تاني قلبو مليان حقد وكراهية رماني في السرير وجدع الشنطه بيد واحده اتخيلو بس اعتدي علي اعتدي علي بكل قسوة و وحشية كانو ده ما الزول الرقيق الطيب داك بعدها بكى وبكى قدرتو وقام من جمبي وخلانى وانا محطمة من**رة و مزلولة في ليلى داك لميت شنطتي وقلت ماشه بيتنا طلعت وانا يا الله ماسكه نفسي كان قاعد بره وماسك راسو بين يدينو وقت سمع الباب رفع راسو وعاين لي قال: رجعى شنطتك غرفتك يا جوري قلت ليهو ماشه بيتنا انا ولا ثانيه ما بقعدها مع راجل همجي جوري قلت ليك رجعي الشنطه ! بس كأنو ما قاعد يتكلم معاي واصلت مشى وما اشتغلت بيهو جرا مني الشنطه ومسكنى من يدي وجراني وقت قاومتو كراني في الأرض كاني بهيم ورجعني الغرفه وقفل الباب ما عارفه ليي بقي قاسي كده فجاة شاهين اتحول لوحش خطير حبسني في الغرفه واتجاهل كل توسلاتي وتهديداتي ما كان بفتحني إلا للأكل بجيبو بختو وبجى برفعو زي ما هو وزينة وداها لي تنوير في القسم الملحق بالبيت احيانا بجيبها لي تقعد معاي زي 34دقيقه وبسوقها ولمن ترفض تمش وتبكى بضربها اتخيلوو بس شال البطاريه من التلفون وخلاهو معاي فضلنا علي الحال ده خمسه ايام في اليوم السادس فتح الباب وخلاهو مفتوح بس ما كان عندي طاقه لأي شي لكن قمت بتثاقل وانا ماشه علي الباب فجأة بقيت اشوف ضلام وما حسيت بشي تاني. فتحت عيوني وانا حاسه بلمسه يد دافيه علي يدي عاينت لقيتها زينة وكانت بتبكى يحليلا كانت خايفه علي شديد .. وقت شافتني فرحت وجرت فتحت الباب بعد شوية جا داخل شاهين ومعاهو خالد خالد : حمد الله علي سلامتك غمضت عيوني بمعني الله يسلمك وعاينت لي شاهين الكان الخجل كاتلو وما قادر يعاين لي زاتو والله بقيت اكرهو عمى شوية كده جات صبا ومعاها يمان الكان شايل جمان سلمو علي وطوالي يمان استأذن وكان عروقو طايرة من الغضب فما عارفه انا زاتي القاها من منو ولا من منو طبعا ما كنت فاهمه الحاصل خفت شديد تكون حصلت مصيبه بعد فقداني الوعي آخر مره بعد ما اطمنو علي كلهم طلعو الا شاهين كان قاعد ناديت خالد وأشرت ليهو ما يمش يخلينى معاو جا همس لي في آضاني : عمري 21سنه وعارفه مصلحتي كويس بعدها غمز لي وطلع فعرفت انهم ما كانو عارفين العملو فيني ومعاملتو لي زي الح*****ت واحد لانو خالد ما كان حيخليني ولا ثانيه معاهو فاتخيلو بس الغ*ي شاهين جا قعد جمبي وطوالي انا التفت بالاتجاه التاني قال لي وظاهر الحزن في صوتو -جوري انا أسف على العملتو هه..أسف؟ التلاته حروف ديل بحلو الموضوع يعني ! انت اتعاملت معاي كأني واحده جايبها من الشارع -جور .... ابو زينة ! خلاص كفى ! وانا عند رايي عاين لي بحزن وطلع في نفس اليوم خرجوني من المستشفى شاهين وصلني البيت ورجع مع بتو وطبعاً ما اديتو وش نهائي الفترة القضيتها في البيت ادتني فرصة اعرف انا بحب منو بالضبط وكمان تعامل شاهين في الآونة الآخيرة اثبت لي كده طبعا انا أصريت علي الطلاق وقفلت تلفوني من شاهين وكان بس التواصل عن طريق خالد.. قدر ما خالد وصبا اقنعوني انا رفضت اني اعدل عن رأيي بعد تميت زي اسبوعين كده شاهين جانا المساء معاهو زينة وقعد اتكلم مع خالد لفترة طوييييله خالد قال ليهو يخليني يومين تلاته كده وهو براهو حيجبني ليهو بس شاهين أصر اني امشى معاهم البيت لغاية خالد رضخ للأمر في النهاية وجا كلمني قلت لي خالد انت كييييف ترضى اني ارجع معاو ما شفت الطريقه العاملنى بيها كيف خالد : كان طالب حقو الشرعي الدين بسمح ليهو بكده يا جوري انتي جنيتي ولا شنو ما رديت لي خالد اقسم شميتو شم من الغ*ينه طلعت لي شاهين بره واتناقشت معاهو كنت بقول ليهو البيت ما راجعه بيت شنو بيتك ده هو بيت بيتك ده سجن! اي عباره عن سجن وسجنك ده انا ما راجعه ليهو تاني لو السماء انطبقت على الأرض كان بحاول يتكلم معاي وبقول لي اهدي اهدي واسمعيني بس ما اديتو الفرصه دي ! فجأة ما حسيت بي روحي الا وانا مغمي علي يلا الصف امجد ما تتكلم معاي بالأسلوب ده -لالا بتكلم معاك يا سيد دي المره الكم امشي معاك الجامعه المره الكم قول لي اسي انت ما بتخجل كل مره جاي معاك ولي أمرك وانت في العمر ده -انا قلت ليك ما عايز اقرا الحمد لله وضعنا ممتاز عندنا و شركة سيارات كامله ومكمله وما محتاجين حاجه قراية شنو تاني الشركة دي ما جات ساي وانت عارف كده كويس يا انور - انت ما قريت يا امجد وعملت الشركة دي عمرها القرايه ما بتعمل كده شايف ناس حسن وشوقي قاعدين عاطلين حسن وشوقي ! ايواا انت متابع الفاشلين ديل عشان كده ما عايز تقرا صاح يا انور انا ما حذرتك من متابعتهم يا امجد انتبه ! في ثواني العربيه اتقلبت تلاته مرات بعد اصطدمت بشاحنة كبيرة . السواق قدر يطلع انور وحاولو يطلعو امجد بس للأسف رجلو كانت معصورة وقدر ما حاولو ما كانت بطلع انور كان شايف دموع اخوهو وكان شايف نظراتو وهي بتودع فيهو. امجد عاين لسواق الشاحنه وقال ليهو امسك اخوي وابعدو لانو العربيه دي حتنفجر انا خلوني اصلا ده مصيري قدر ما السواق حاول يجر انور ما قدرلغاية قنع وخلاهو و. وحصل الانفجار #الحاضر مبروك زوجتك حامل لازم تنتبهو على مواعيد أكلها وتكترو ليها من المشروبات الطبيعيه لانو دمها بسيط شاهين ما كان مصدق و وقف مذهول خالد حضنو وكان فرحان وصبا زغردت وانا ما كنت فاهمة حاجة الباب انفتح ويمان جا داخل وعلى وشو تسائل لكن ما احتاج يسأل عن الحاصل لأنو شاهين جا مسك يدي وباسها وقال يتربى في عزنا ما رديت ليهو وجريت يدي منو طوالي ما علق علي الحركة وقال لي حترجعي بيتك ودا آخر كلام عاينت لي خالد وعيوني بتترجاهو انو ما يخليهو يسوقني بس خالد أشر لي علي بطنو لزوم في بيبي معناها لازم تتنازلي اما يمان اكتفى بالمشاهده فقط بارك لي شاهين و وقت سلم على ضغط يدي شديييد وعاين لى قووي وقال لي يتربى في عزكم ودوني البيت ورجعوزينة كانت راقده في حضني وانا كنت بمرر اصابعي علي شعرها لغاية نامت ابوها جا وقال لي : حأوديها غرفتها قلت ليهو لا خليها كده انا وهي مرتاحين عرف اني ما عايزاهو في الغرفه طوالي طلع حمدت ربي شديد في نفس اليوم اتصل علي يمان قال لي بدون اي مقدمات ولدي صاح؟ سكت ما رديت ليهو -جوري البيبي اللفي بطنك تبعي صاح اتكلمي يمان ! ده ولد شاهين ما ولدك ! و انسى اي شئ حصل بيناتنا انا زوله متزوجه الكلام ده ما صاح وربنا يغفر لي - اسي بقي ليك ما صاح ! جوري انتي والجنين اللفي بطنك تلزموني """ فاهمه ولا لا قبل ارد قفل الخط في وشى #السابق عم صالح ! امجد اخوي مات قدام عيوني يا عم صالح مات وانا السبب في الحادث - استهدئ بالله يا ولدي كل شي قضاء وقدر ! لالالالا امجد كان بعاين لي كان بوصيني بي عيونو !العربيه اتفجرت يا عم صالح ! اتفجرت الدكتور جا داخل وقال لي صالح حندخلو عملية تجميل حنحاول نخفف أثر الحريق علي الأقل نسترجع الوش لأنو الأهم صالح : طيب يا دكتور ربنا يوفقكم مع طلوع عم صالح لاقاهو المحامي سلم عليهو وقال ليهو : بكرة حنعمل الأجرءات المرحوم سهل علينا ومسجل الشركة سلفا بأسم اخوهو سبحان الله كأنو كان عارف حيحصل ليهو كده عم صالح : ان شاء الله ربنا يقومو بالسلامه #الحاضر بعد رجوعي البيت بأسبوع كنت بحضر في التلفزيون مع زينة شاهين جا وكان مهموم وباين عليهو شديد لدرجة انو بتو لمن اتعابطت فيهو جاط فيها لغاية بكت شلتها ودخلنا الغرفه حنستها لغاية نامت وقت دخلت الغرفه لقيتو نام حتى ما كلف نفسو انو يطلع جزمتو طلعتها ليهو وغطيتو وطفيت النور ومشيت نمت مع زينة في غرفتها كانت لحظات عصيبه كلنا بنمر بيها الصباح عملت الشاي وجهزتو بس ما طلع وقت مشيت الغرفه لقيتها فاضيه سألت تنوير قالت انو طلع من 6:34صباحا استغربت طبعا شاهين بقى ما طبيعي وتصرفاتو بقت غريبه شديد بس ختيت انو بكون من ضغط الشغل وكده . اما يمان بقى ضاغط علي شديد قال لي اطلب الطلاق من شاهين وهو طوالي حيعقد علي حتى اننا ما حنقعد في السودان حنسافر لمكان بعيد ماف زول حيعرفنا فيهو راسي كان جايط شديد وجامعتي فتحت لكن الدكتور منعني من السفر عشان كده فكرت اجمد السنه وانا اصلا ما كنت طايقه نفسي عشان أمش الجامعه ما معروف الحيحصل شنو لكن تفتكرو قصة امجد شنو وكيف عارف اي حاجه عني و عن علاقتي بي يمان ؟ طيييب خليكم من ده مش امجد أصلا مات؛ طيب الشخصيه الحاليه الأسي دي منو وحكايتها شنو ! ما معروووف كنت في يوم قاعده في التلفزيون والزمن اتأخر شديد وشاهين ما جا. زينة صحت عملت ليها كباية لبن وشربتها ليها ورجعت نامت تاني. المطرة بدت تنقط طلعت بره وقفت مسافه ووقت بدت تشد رجعت جوه. اتصلت على تلفونو كان قافل صح انا ما كنت بحبو بس قلقت عليهو شديد. قدر ما حاولت في تلفونو بس مقفول. ما لقيت خيار الا اتصل على يمان. الو جوري مشتاق ليك كتير والله قلت ليهو يمان شاهين معاك؟ قال لي ابدا والله خير زينة فيها حاجة قلت ليهو لا بس اتأخر لسه ما جا وزي ما شايف المطرة صبت. سكت مسافه وقال لي تلفون ما عندو؟ اتصلي عليهو في تلفونو عشان تطمني اكتر قلت ليهو اكيد انا ما غ*يه اتصلت عليهو بس تلفونو قافل. سكت تاني وقال لي بكون اتأخر في الشغل بس ما تشيلي هم. قلت ليهو ان شاء الله.. بعد مسافه قال خايفه عليهو؟ للدرجة دي بتحبيهو؟ قلت ليهو شاهين بكون زوجي لو ما عارف اعرف. قال لي معلوم. لااا خير ان شاء الله يجيك بالسلامة. قبل ما اقول ليهو آمين شفت عم صالح طلع فتح البوابه وعربية شاهين جات داخله. قفلت الخط بدون ما أودع يمان وجريت فتحت ليهو الباب بعد شويه جا داخل وكان هدومو كلها مبلولة. قلت ليهو شاهين! وين كنت وليي مبلول كده؟ عاين لي مسافه وقال : عربيتي خسرت في الشارع عشان كده اتأخرت. قلت ليهو حاجهز ليك الحمام.. مشيت جهزت ليهو الحمام وطلعت ليهو غيارو. مسافه استحمة جهزت ليهو العشاء وقعدت قدامو اكل بنهم شديد كانو ليهو كم يوم ما ماكل. عملت ليهو كباية شاي لبن دافيه بكعك وما خليتو الا وقت شربها.. قعد في الكنبه كان عندو شويه ورق راجعهم وانا دخلت اخدت لي حمام بعد طلعت لقيتو نام قبلو.. فجيت صلحت ليهو رقدتو وغطيتو جراني عليهو وقال : جوري.. ممكن انوم في حضنك؟ ممكن تنسي كل خلافتنا وبس تديني اللحظة دي؟ قلت ليهو خير يا شاهين مالك؟ شكلك ما عاجبني قال لي مشاكل في الشغل شيبت راسي.. رقدت جمبي وخت راسو في كتفي.. قال لي انتي عارفه.. بتمنى دي تكون اخر لحظة في حياتي.. بالجد ما عندي أمنية اكتر من انو اموت في حضنك. ما عرفت اقول ليهو شنو وهو واصل : الفترة الأخيرة دي غلطت في حقك كتير.. ما مصدق للآن اني اعتديت عليك.. سامحيني يا جوري انا ما بستاهلك والله قلت ليهو ما مشكلة ي شاهين انا زاتي غلطت والله ما المفترض امنعك من حاجة هي في النهايه حقتك. سكت ساي وغمض عيونو وما مضت خمس دقايق الا وسمعت صوت شخيرو. والله اتأسفت شديد على العملتو معاه. الساعه سبعه و٣٤دقيقه جاتني صحيه بعد ما حسيت بسخانه.. هبشت راس شاهين كان سخن سخانه مبالغ فيها قمت صحيتو فكان بهذي بطريقة غريبة. امي امي أمجد وين وين أمجد لا لا عم حسن انت قتلتو يا أمجد اميي تعالي انا وين النار النار النار لا اا لا ما فهمت حاجة من الكان بقولو شاهين وحاولت اصحيهو بس ابى يصحى لي.. ناديت تنوير لمن شافتو اتخلعت ونادت عم صالح سندو للسرير ما كنا بنقدر نوديهو المستشفى فاتصل بالدكتور بتاعو وفعلاً خمسة دقايق جا كان مبادئ حمة ودرجة حرارتو مرتفعه شديد بسبب المطرة الأمس اداهو خافض حراره ووقت وضعو استقر شويه سقناهو المستشفى. فظهرت ليهو ملاريا. اخدنا العلاجات وطلعنا المساء الفترة دي كنت مرابطة جمب شاهين كان محتاج رعاية واهتمام. الحمدلله صحتو بدت تصلح وعلاقتنا شبه استقرت. صح ما كنت بحبو بس مشاعري وخوفي ليهو كان اكتر شي حقيقي بيناتنا. بعد اسبوع شاهين نزل الشغل.. في يوم جا قال لي بعد بكرة عامل حفلة صغيرة في البيت بمناسبة صفقة.. عايزك تشرفي عليها انا واثق من زوقك قلت ليهو معلوم. بس وريني عايز شنو وشنو قال لي بس زوقك وصح عندي ليك مفاجأة. طلع وبعد دقايق جاني شايل ليهو فستان رصاصي رهييب. قال لي عايز اشوفو عليك يوم الحفله.

Free reading for new users

Scan code to download app

App Store Google Play

Facebookexpand_more