"Franco mukhang nagkakamabutihan na kayo ni Ma'am Kamille ha? Akala mo ba ay hindi ko nahahalata?"
Kasalukuyang umiinom ng tubig si Franco nang bigla syang komprontahin ni Elmer. Alam naman nyang may alam na ito pero hindi nya akalaing magiging ganoon ito kausyusero.
Tiningnan nya lang ito sa gilid nya habang nagpapaypay gamit ang sumbrerong pangbukid.
"Hindi ba pwede? Akala ko pa naman eh boto ka samin," sagot nya.
"Naku! Kahit na crush na crush ko pa si Ma'am Kamille eh magiging boto naman talaga ako sa inyo. Ikaw ang inaalala ko. Paano kung malaman ng mga magulang ni Senyorita ang pagiging malapit nyo?"
Napalunok sya dahil sa sinabi nito. Parang biglang nanikip ang dibdib nya sa isiping magiging hadlang ang mga ito sa kanya, lalo na ang estado ng buhay nila. Trabahador lamang sya
